مشروعات نقل وبنيه تحتية هي الأكبر.. خطة السيسي للسيطرة على أسواق افريقيا
في مشروعات بنيه تحتيه قامت بيها الدولة للربط مع دول أفريقيا .. ياتري اية سر اهتمام الدولة بربط ومد شبكات الطرق الي دول قارة أفريقيا.. واية الفائدة اللي بترجع علي مصر من المشروعات دي.
إفريقيا واحدة من الأسواق المهمة جدا للصادرات المصرية، وده لسبب بسيط أنها سوق مستهلك ومحتاج للصادرات باستمرار، وده بسبب التأخر العلمي والصناعي في أغلب دول القارة، ولكن التسويق في افريقيا له طبيعة جغرافية غريبة شوية بسبب ضعف البنية التحتية لأغلب الدول هناك.
هنا حتى خطة القيادة السياسية واللي أصدر توجيهات مباشرة للحكومة لإنشاء خطوط ربط سكك حديدية وطرق مع اغلب دول القارة السمراء، وهنا في أكثر من خطة الدولة شغالة عليها علشان تربط دول القارة السمراء مع بعضها وكمان تساعد في نفاذ الصادرات المصرية الي هناك .
اول المشروعات اللي الدولة شغالة عليها هو مشروعة ربط السكك الحديدية بين مصر والسودان واللي هيكون من أسوان أو أبو سمبل إلى وادي حلفا والمدن اللي بعدها، وحاليا المشروع في مرحلة دراسات الجدوى والتمويل من الصندوق الكويتي، وده واحد من اهم المشاريع اللي عليها شغل في الوقت الحالي.
مشروع ربط السكك الحديدية بين مصر والسودان هيبدا من اسوان يوصل الي أبو سمبل ومنه الي وادي حلفا في السودان وبعدها هيوصل للعاصمة السودانية الخرطوم، بطول إجمالي يزيد عن 900 كيلومتر، والتكلفة التنفيذية الأولية للمشروع هتوصل ل 5 مليار جنيه، وفي تحديد وحين بيغطل المشروع خاص بالقياسات بين شبكات القطارات في البلدين .
تاني المشروعات اللي الدولة شغالة عليها حاليا هو مشروع طريق القاهرة كيب تاون البري واللي هيوصل طوله لـ 10,228 كيلومتر لربط شمال وجنوب القارة من خلال شبكة طرق هتضم 9 دول، والطرق ده هيكون واحد من شبكة طرق عبر الاتحاد الإفريقي والبنك الأفريقي .
ده المشروعات اللي الدولة شغاله عليه في الوقت الحالي هو مشروع الممر المائي الإسكندرية–فيكتوريا ضمن رؤية قارة واحدة نهر واحد مستقبل مشترك، وحاليا مع دراسات مموّلة في المرحلة الأولى من البنك الأفريقي بتكلفة هتقارب 18 مليار دولار لإحياء المشروع.
المشروعات دي هيكون الهدف منها هو زيادة الحركة الركابية بين البلدين وكمان نصطقل البضائع وده هيكون له دور كبير في زيادة الإيرادات الدولارية من نقل البضائع والمسافرين وكمان هيكون له عامل مهم في زيادة الإقبال السياحي علي مصر خصوصا مع توفر شبكة انتقالات مؤمنة وسريعة.
