الأحد 14 أبريل 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

من غير ما تدور ولا تحتار.. أعلى 4 شهادات فايدة طرحتها البنوك 2024

الإثنين 01/أبريل/2024 - 04:01 ص
أعلي شهادة استثمار
أعلي شهادة استثمار


 

مين فينا مش بيدور علي مكان امان، يحط فيه فلوسه ويكون مطمن عليها، خصوصا ان المشاريع في مصر حاليا بقت مش مضمونة بسبب التغيرات اللي بتحصل في سعر الصرف، وبقت شهادات الأدخار هيا احسن حل للاسثتمار.. يا تري اية هيا اغلي 4 شهادات ممكن استثمر فيهم فلوسي واكون مطئمن علي الربح واصل الفلوس وبدون اي مشاكل او خلافات .

الفترة الاخيرة اغلب البنوك طرح شهادات مختلفة لادخار، وكل بنوك حاليا بيحاول يكسب اكبر عدد ممكن من العملاء، وده عمل لخبطة مع المواطنين انهي شهادة احسن من الثانية، واية تفاصيل اللي بتفرق الشهادة دي عن غيرها من الشهادات الثانية اللي طرحتها البنوك، وهل في شروط بين شهادة والثانية من حيث مبلغ الشراء ولا اية الدنيا.
انا دلوقتي هقولك علي المفيد، واية هيا اعلي 4 شهادات اسثتمار في الاسواق، يعني انت تقدر تشتتري وتضمن أنك هتاخذ اعلي فايدة، وهقولك كمان علي اجراءات وشروط شرا كل شهادة فيهم والبداية هتكون من بنك ناصر اللي طرح شهادة باعلي فائدة في السوق المصري تحت اسم رد الجميل واللي بتوصل لـ 66% لمدة 3 سنين وبيصرف العائد في نهاية المدة، وهيا مخصصة فقط لكبار السن، وسكون سن العميل ميقلش عن 60 سنة، و قيمة الشهادة بتبدأ من 1000 جنيه ومضاعفاته ولحد 2 مليون جنيه.

تاني شهادة هتكون معانا النهاردة وهيا شهادة العربي الافريقي بفائدة 40% لمدة 3 سنين بأعلى فايد وكمان هتاخذها مقدما، يعني وقت ما تشتري الشهادة هتاخذ العائد بتاعك فوري، والحد الأدنى لإصدار الشهادة يبدأ من 5000 جنيه ومضاعفات 1000 جنيه مصري وبدون حد أقصى، والبنك اشترط أنها متاحة للأفراد فقط بالجنيه المصري، وكمان ان العميل ميكرش الشهادة قبل مرور 6 أشهر من تاريخ الربط، وفي حال ان العميل عايز يسترد فلوسه، فالبنك حدد معدل الخصم من قيمة الفائدة في السنه الأولي بعد مرور 6 أشهر: هيكون 95% من قيمة الفايدة، والسنة الثانية هتكون 63% من قيمة الفايدة والسنة الثالثة هتكون 28% من قيمة الفائدة
ثالث شهادة معانا النهاردة وهيا شهادة بنك التنمية الصناعية اختيارك بفائدة 39% لمدة 3 سنين والعائد بتاعتها برضوا العميل هياخذه مقدم وكامل من اليوم التالي لربط الشهادة، والحد الأدنى للشهادة 50 ألف جنيه وممكن زيادة المبلغ بمضاعفات ال 5 آلاف جنيه، بشرط ان العميل ميستردش قيمة الشهادة إلا بعد مرور 6 أشهر عليها، وغرامة الاسترداد بتوصل لـ 7 % في السنة الاولي و6 % في السنة التانية و5‎ % في السنة الثالثة.

اخر شهادة معانا النهاردة هيا شهادة بنك أبوظبي الاسلامي بفايدة 27.25% في السنة الأولى منها 10% العميل ممكن ياخذها بع 5 أيام بس من ربط الشهادة أو الصك، والفايدة بتاعتها بتوصل لـ 17.25% في السنتين الثانية والثالثة، وحدد البنك شرو شراء الشهادة أو الصك ويكون يبدأ من 1000 جنيه ومضاعفاته .