تحذير لأصحاب كروت الكهرباء.. ممنوع تحط الكارت في الأماكن دي
الجمعة 14/أغسطس/2026 - 06:23 م
معاك كارت شحن عداد الكهرباء؟ خد بالك.. طريقة حفظ الكارت مهمة جدًا وممكن تحميك من تعطله أو تلفه.
أول حاجة.. إوعى تحط كارت الكهرباء جنب الموبايل أو أي جهاز إلكتروني، وكمان ابعده عن المغناطيس، لأن ده ممكن يأثر على البيانات الموجودة على الكارت.
كمان متحطش الكارت في مكان فيه حرارة عالية، أو تعرضه للشمس لفترات طويلة، وابعده عن الميه والرطوبة. وخلي بالك كمان من الخدوش أو ثني الكارت، لأن تلفه ممكن يسبب مشكلة في قراءته عند استخدامه مع العداد.
الأفضل تحتفظ بالكارت في مكان جاف، بعيد عن الحرارة والمغناطيس وأي حاجة ممكن تتسبب في تلفه.
ولو الكارت اتلف أو مبقاش بيشتغل، متحاولش تصلحه بنفسك.. توجه لشركة توزيع الكهرباء التابعة ليك واستفسر عن الإجراءات المطلوبة. كارت صغير.. لكن الحفاظ عليه ممكن يوفر عليك وجع دماغ ومشاوير.
