إيه علاقة الملصق الإلكتروني بتموين البنزين والسولار؟.. مفاجأة غير متوقعة

لو معاك عربية، فيه ملصق إلكتروني مهم لازم تعرف إزاي تستخرجه، وإيه علاقته بتموين البنزين والسولار.

الملصق الإلكتروني بقى جزء أساسي من منظومة المرور والتحول الرقمي، لأنه بيساعد في تأمين بيانات العربية وتنظيم حركة المرور، وكمان مرتبط بمنظومة التموين الإلكتروني للوقود.

لمشاهدة الفيديو من هنا 

طيب تستخرجه إزاي؟.. قدامك طريقتين: الأولى تروح بوحدة المرور المختصة بالعربية، وتقدم الأوراق المطلوبة وتسدد الرسوم، وبعد مراجعة البيانات الفني بيركب الملصق.

والطريقة التانية إلكترونيًا، من خلال بوابة مرور مصر، بتسجل حسابك وتختار خدمة استخراج الملصق، وتدخل بيانات العربية وتسدد الرسوم، وبعدها تستكمل التركيب في المرور.

الأوراق المطلوبة هي رخصة عربية سارية، وبطاقة رقم قومي سارية، ولو مش مالك العربية لازم توكيل رسمي معتمد.

أما الرسوم المذكورة لاستخراجه فبتبلغ 150 جنيه سنويًا. والأهم أن ربطه بتموين الوقود هدفه تسجيل عمليات الصرف ومراقبة الاستهلاك، مش زيادة أسعار البنزين أو تقليل الكميات المخصصة للمواطنين.