حرارة الصيف هتبوظ عربيتك؟ 8 نصائح تحميها من التلف

حرارة الصيف مش بس بتتعبك.. دي كمان ممكن تأثر على عربيتك وتسبب أعطال مفاجئة!

عشان تحافظ على عربيتك، اعمل الـ8 خطوات دول:

أولًا: افحص ضغط الإطارات وهي باردة، واتأكد إنها مفيهاش تشققات أو انتفاخات.

ثانيًا: راقب سائل التبريد ومؤشر حرارة الموتور، ولو الحرارة ارتفعت عن الطبيعي متكملش سواقة.

ثالثًا: افحص البطارية، خصوصًا لو العربية بدأت تتأخر في التشغيل.

رابعًا: راجع زيت الموتور وباقي السوائل قبل السفر.

خامسًا: بص على السيور والخراطيم واتأكد إنها مفيهاش تشققات أو تلف.

سادسًا: جرّب التكييف قبل موجات الحر، ولو التبريد ضعيف اعمل صيانة.

سابعًا: حاول تركن في مكان ضل أو استخدم حاجب شمس لو هتسيب العربية في الشمس.

وثامنًا: خليك مجهز العربية بحاجات الطوارئ زي مقياس ضغط، كابلات تشغيل، مياه، شاحن للموبايل وحقيبة إسعافات.

8 خطوات بسيطة.. ممكن تحمي عربيتك من عطل مفاجئ ومصاريف ملهاش لازمة في عز الحر.