صدمة للأسواق ومفاجأة للمواطن.. الحكومة تعلن مبادرة غير مسبوقة لخفض الأسعار.. هل انتهى زمن الغلاء؟
هل فعلا الحكومة ناوية تخفف الغلاء عن المواطن، طب ايه الحكاية ورا مبادرة خفض الأسعار وامته تطبق؟
في الحقيقة، في كلام مهم منتشر دلوقتي عن المبادرة الجديدة اللي أطلقتها الحكومة مع القطاع الخاص والخاصة بخفص الأسعار والتسهيل على المواطن المصري.
ونقدر نقول، ان المبادرة دي بتعتبر خطوة كبيرة علشان نهدي الأسعار ونخفف الحمل عن الناس ناقة بعد ما الظروف الاقتصادية العالمية عملت غلا في كل الأسواق ومنها السوق المصري.
طيب إيه اللي الحكومة عملته بالظبط، وفين التيسيرات؟
بص يا سيدي، الحكومة قدمت تسهيلات ضريبية وجمركية، وسرعت إجراءات الإفراج الجمركي عن السلع الأساسية ومستلزمات الإنتاج، وده كله علشان نخفض تكلفة السلع اللي بنشتريها ونضمن إنها تكون متوفرة في السوق بكميات تكفى الطلب.
وطبعا، الحكومة مش شغالة لوحدها، لا ده كمان القطاع الخاص له دور مهم جدا، فالتجار الكبار وعدوا إنهم هيقللوا هامش الربح، وهيضخوا كميات أكبر من السلع في السوق، يعني مش بس بنقلل السعر لأ ده كمان بنتأكد إن الحاجة موجودة ومتاحة.
وكل ده طبعا، بيحصل عشان المواطن اللي شال كتير في السنين اللي فاتت، يعني لازم يحس إن في مقابل للتعب ده، وان الإصلاحات بدأت تترجم لحاجة ملموسة زي مثالا اسعار بتنزل وتوافر السلع.
وعشان المبادرة تنجح فعلا، لازم التعاون بين الحكومة والتجار يفضل مستمر، لاننا محتاجين شفافية ومتابعة مستمرة وكمان خطة ماشية بخطوات واضحة.
وكل ده هيوصلنا لنتيجة واحدة، وهي استقرار طويل للسلع في السوق وكمان توازن ما بين مصلحة المواطن ومصلحة التاجر وبردو هنجقق تنمية اقتصادية بجد تقدر تصب في مصلحة الناس.
يعني الخلاصة، ان في مبادرة على الأرض، فيها شغل واتفاقات وتسهيلات من الحكومة ومشاركة من القطاع الخاص، وكل ده هدفه الأول والأخير إنك تشتري بسعر عادل، وكمان تلاقي اللي انت عايزه في السوق، وتعيش مرتاح شوية.
