المصريون ينتظرون "معجزة".. هل ينجح مدبولي في إجبار "وحوش الأسعار" على التراجع؟
أسعار الفراخ واللحوم واحدة من الحاجات اللي عليها أسئلة كتيرة من الناس في الشارع المصري.. ياتري هل ممكن نشوف انخفاض حقيقي في الأسعار الفترة اللي جاية.. ومعدلات الانخفاض هتوصل لكام.
من يوم اعلان الدكتور مصطفى مدبولي رئيس مجلس الوزراء عن تقريب حدوث انخفاض كبير في أسعار عدد كبير من السلع الغذائية والناس كلها بتسأل ومهتمة جدا عن السلع اللي هتكون داخل مبادرات التخفيض والتخفيض ده هيوصل لكام وهل هيشمل سلع أساسية زي الاكل الشرب والالتزامات اليومية اللي بيحتاجها المواطن في حياته اليومية ولا هتكون حاجات تانية بعيدة عن المتناول ولا بتدخل في حياة المواطن المصري .
الأسئلة الكتيرة دي جاوب عليها مجلس الوزراء واللي أكد أن كل الأسعار هتشهد نزول. انخفاض حقيقي في الأسعار خصوصا أن أسعار الصرف مستقرة في مصر من فترات بعيدة وكمان شهادات انخفاضات متتالية وسعر صرف الجنية المصري تحسن بشكل كبير وكمان بدأ يحقق انتصارات وده بيدي قوة للاقتصاد المصري وبياكد كمان أن البرنامج الاقتصادي ماشي في طريقه الصحيح، وكمان بتحفز الحكومة علي اتخاذ خطوات جديدة لزيادة وفتح أبواب جديدة للدخل الدولاري لمصر من الخارج وتقوية الاقتصاد المصري وتكثيف البرامج الاقتصادية لدعم الاقتصاد المصري وزيادة التحفيزات والتسهيلات اللي بتقدمها الحكومة لدخول الاستثمارات الأجنبية للسوق المصري .
طيب اية اللي هيحصل في أسعار اللحوم والفراخ في الفترة اللي جاية ؟.
الفترة اللي فاتت رئيس مجلس الوزراء الدكتور مصطفى مدبولي عمل اجتماع مهم جدا مع الغرف التجارية والمستوردين وطالبهم بوجود تخفيضات حقيقة في أسعار السلع والمنتجات المختلفة خصوصا أن السوق المصري مستقر من فترات بعيدة وكمان مفيش اي حاجة تستدعي استمرار رفع الأسعار خصوصا أن أغلب اسعار المواد اللي بتدخل في مكونات الإنتاج سعرها انخفض وبارقام معقوله وبالتالي الوقت الحالي لازم الانخفاض اللي حصل في مكونات الإنتاج لازم ينعكس علي الأسعار اللي بتوصل بيها السلع والمنتجات للمستهلكين.
اجتماع رئيس مجلس الوزراء مع الغرف التجارية والمستورين ركز بشكل كبير علي الإنخفاض اللي حصل في أسعار الأعلاف في السوق المصري، واللي تراجعت باسعار معقولة جدا ده غير أن سوق الطاقة في مصر مستقر تماما لتوفير اعمال التبريد والتكيف لمزارع الدواجن وبالتالي لازم المواطن يبدأ يحس بانخفاض حقيقي في الأسعار، والغرف وعدت بوجود إنخفاض حقيقي في الأسعار بداية من الأسبوع الحالي، وده اللي هنتابعه مع حضراتكم الفترة اللي جاية.
