من خلال زيادة الإنتاج وتقليل استنزاف الدولار.. شوف الدولة سيطرت إزاي علي ارتفاع معدلات التضخم
التضخم واحدة من المشاكل اللي كانت بتواجه الحكومة وكانت واحدة من أهم الحاجات اللي ماثره علي الاقتصاد المصري.. ياتري اية اسباب اللي كانت بتخلي معدلات التضخم ترتفع.. وازاي الحكومة اتحكمت فيه.
مع بداية الجمهورية الجديدة الحكومة بالتعاون مع عدد من الجهات الدولية أعدت برنامج اقتصادي وطني مرن قادر علي التعامل مع كل الصدمات الخارجية، وكمان بيشمل علي تنويع مصادر الدخل الدولاري لمصر من الخارج، علشان نعالج الأزمة اللي حصل في السنين اللي فاتت واللي مصر واجهت فيها أزمة بسبب نقص الموارد الدولارية بسبب تأثر الجهات الرئيسية اللي بتدخل عملات أجنبية للدولة المصرية زي قناة السويس وقطاع السياحة اللي تأثروا بشكل كبير جدا بسبب التحديات التوترات الجيوسياسية والاقتصادية.
التحديات الكبيرة اللي وجهت الاقتصاد المصري وعمليات التنمية اللي كانت بتقوم بيها الدولة عملوا ضغوط كبيرة علي الناتج القومي وده ادي الي ارتفاع معدلات التضخم في مصر،. معدلات التضخم دي معناها ارتفاع أسعار السلع المحلية اللي بيحتاجها المواطن المصري.
طيب اية هيا الأسباب اللي خلت التضخم في مصر يرتفع بالشكل ده؟
في أكثر من سبب كانوا سبب اساسي في ارتفاع التضخم في مصر أولهم التغيرات المتتالية لسعر الصرف وتحرير الجنيه، خصوصا أن كل مرة الحكومة اخذت قرار بتحرير سعر الصرف واللي بدأتد رحلته مع بداية 2016 ولحد النهاردة كل مرة كان بيحصل تحرير لسعر الصرف في مصر كان قيمته بنقل قدام الدولارؤ وده كان بيزود تكلفة الاستيراد بشكل مباشر، خصوصاً اننا بنعتمد على الخارج في حاجات كتير من الاحتياجات اللي مطلوبة للسوق المحلي.
تاني سبب للارتقاع معدلات التضخم في مصر كانت بسبب الاعتماد على الاستيراد، خصوصا أن مصر كانت بتستورد جزء كبير من احتياجات السوق المحلي وده بيخلي الأسعار مرتبطة بأسعار السوق العالمي وتغيرات الصرف، ده غير التأثر الكبير اللي حصل في الأسعار العالمية بسبب الحرب الروسية الأوكرانية خصوصا أن مصر كانت من أكبر مستوردي القمح من روسيا وأوكرانيا، ومع توقف عمليات الاستيراد الأسعار ارتفعت، وده انعكس علي أسعار كتيرة للمواطن المصري.
ثالث حاجة أثرت علي ارتفاع معدلات التضخم كانت الديون الموجودة علي الدولة المصرية واللي كانت بتستنزف جزء كبير من الناتج القومي المصري، وعلشان الدولة تسيطر على التضخم، البنك المركزي كان بيرفع سعر الفايدة. بس ده كان بيزود كمان أعباء الدين على الحكومة والشركات، وده بيتحول في الآخر لزيادة أسعار على المستهلك، وكمان خدمة الدين الخارجي بتضغط على ميزانية الدولة، فبتضطر تقلل الدعم أو ترفع الأسعار، ده غير النقص الكبير اللي كان موجود بسبب النقص المحلي في الإنتاج، وده كان بيخلي الدولة تعتمد بشكل أساسي علي الاستيراد.
طيب إزاي الدولة قدرت تسيطر علي معدلات التضخم ؟.
بداية نجاح الحكومة في السيطرة على معدلات التضخم كان عن طريق زيادة الإنتاج المحلي وتقليل الاستيراد من الخارج وزيادة موارد الدولة الدولارية وده خلي الدولة تراجع السياسات النقدية وتبدأ تأخذ قرارا تخفيض الفائدة والقرار ده كان هو الداعم الأول للاقتصاد المصري، ده غير قرارات ترشيد الاستيراد، وتحقيق توازن في السياسات النقدية والمالية.
