عودة ممر جديد للدولار.. ايه اللي بيحصل في وزارة الإسكان

 

هو إيه اللي بيحصل في وزارة الإسكان وايه حكاية ممر الدولار الجديد اللي هيوفر مليارات الدولارات وحكاية ال10 مليار دولار اللي دخلت البلد وازاي الحكومة هتوجه ضربة قوية للدولار.. خليكم معانا للآخر وهتعرفوا التفاصيل في الفيديو ده 
 

 
زي ماقلنا قبل كده إن الحكومة ومعاها البنك المركزي المصري اخترعوا طرق وحيل جديدة لوقف نزيف الدولار من سوق الصرف ومن بين الاختراعات دي كان طرح اراضي مميزة للمصريين بالخارج والداخل والأجانب للبيع بالدولار وقدرت المبادرة دي توفر 10 مليار دولار وهو رقم ضخم بيزيد عن قرض صندوق النقد الدولي واللي قعدنا فترة كبيرة عشان نخلصه وبعدها وقفت المبادرة لأسباب خاصة بتقييم التجربة.

طيب ايه الجديد في ملف الأراضي دا ؟
المعلومات اللي وصلت بانكير بتقول إن هيئة المجتمعات العمرانية الجديدة قررت استئناف طرح الأراضي للمستثمرين بالدولار بدايةً من سنة 2025،  ودا بعد التنسيق مع البنك المركزي حولين كيفية التعامل مع الإيرادات الدولارية المحصلة.

وبنفكركم انثوزارة الإسكان كانت بدأت من حوالي سنتين في تخصيص بعض الأراضي بالمدن الجديدة بالدولار، كحل من حلول أزمة نقص النقد الأجنبي، كمن  قدمت الوزارة حوافز للمتقدمين بالسداد بالعملة الأجنبية من خلال اتاحة أراضٍ مميزة ضمن المبادرة.. وفي يونيو اللي فات أوقفت الوزارة مؤقتا طرح الأراضي باستثناء المستثمرين الأجانب، وكان أن الهدف زي ما قلنا هو تقييم التجربة اللي حققت إيرادات تقترب من 10 مليار دولار بجانب توفر السيولة الدولارية في السوق المصرفي والحاجة إلى إعادة تسعير الأراضي بعد التخلص من ضغوط الأزمة.

وحسب المعلومات بردوا وزارة الاسث اتفقت في الساعات الأخيرة مع البنك المركزي على كيفية الاحتفاظ بالدولارات المحصلة من بيع الأراضي.

وزارة الإسكان بتطرح بالفعل عدد من الأراضي كل سهغ للاستخدامات المختلفة زي التجاري والإداري والعمراني في المدن الجديدة، ويمكن للمستثمرين التقدم لحجز الأراضي من اليوم الأول إلى الخامس عشر من كل شهر عبر بوابة خدمات المستثمرين.

كمان الوزارة شغالة بقوة بجانب شركات القطاع الخاص في زيادة الاستثمار العقاري وتصدير العقار عن طريق طرح عقارات مصرية بالدولار، وسبق وطرحت فكرة بيع الوحدات السكنية للمصريين المقيمين بالخارج والأجانب بالدولار والبدء في تنفيذها لتعود بالنفع على جميع الأطراف، كما أن النفع يعود أيضا على الحكومة المصرية من خلال توفير العملة الصعبة بالدولار في وقت عصيب بيشهد الإقتصاد المصري في هذا الوقت تضخما وبحاجة شديدة للعملات الأجنبية،

حسب المصادر متوقع أن ملف طرح الأراضي المتميزة أن يحقق إيرادات قوية من الدولار وتفتح ممر جديد للعملة من خلال المستثمرين الأجانب أو عن طريق المصريين بالخارج ودا هيساعد في توفير الدولار وانخفاض سعره أمام الجنيه المصري وإن حصيلة البيع المتوقعة هتفوق الرقم اللي اتحقق قبل كده.