الأحد 21 يوليو 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

اختار عروستك وسيب الباقي على بنك saib.. هتاخد ٢ مليون جنيه

الإثنين 01/يوليو/2024 - 04:36 ص
قرض الزواج 2024
قرض الزواج 2024

 

 

الظروف الاقتصادية الحالية فرضت علي أغلبنا ظروف غير عادية وخصوصا الشباب، وبقي كل واحد فينا علشان يحقق حلم الشقة محتاج معجزة، خصوصا أن المرتبات يادوب تكفي المصاريف.. بس انا دلوقتي هقولك على حل هيخلصك من كل مشاكلك حتي لو مرتبك مش كبير لو عايز تعرف الموضوع ده هيكون ازاي اقرأ هذا التقرير.
 
القرارات الأخيرة لتحرير سعر صرف الجنية المصري مقابل الدولار خلت اغلب الأسعار رفعت وبنسبة كبيرة جدا والحاجة اللي كان سعرها جنية بقي سعرها 5 و 6 حاليا، وفي الوقت الحالي لو اي حد فينا مرتبه وصل لأية بيكون مش عارف يمشي حاله.

اول فئة اتاثرت بالموضوع ده هيا فئة الشباب خصوصا أن أغلبهم علي ما يخلص جامعته وجيشه ويادوب يبدأ بضبط أموره ويشوف اي شغل يمشي منه حاله هيحتاج مبالغ كبيرة وعلشان يبدأ ويفتح بيت هيحتاج معجزة خصوصا بعد ما الذهب حاليا معدي ال 3 الاف جنية للجرام 21 والمعروف عنه أنه أكثر انتشارا وبيعا في الأسواق بما بالك بقي لو حد فينا عايز يشتري شقة أو يجهزها علشان يتجوز أو يبني أسرة .

في وسط كل الظروف اللي مش معروف ملامحها دي بنك saib أعلن عن مبادرة لتقديم قروض للشباب وخصوصا المقبلين على الزواج من متوسطي الدخل لشراء شقق سكنية بتوصل ل 150 متر بقرض بسيط ومدة سداد طويلة بتوصل ل 240 شهر وقسط ثابت طوال المدة .

بنك saib اشترط أن يكون الحد الأقصى لسعر الوحدة السكنية بيوصل ل 2 مليون و 250 الف جنيه ويكون الحد الأقصى لمساحة الوحدة 150 متر مربع صافي.

بنك saib أعلن كمان عن مميزات الحصول علي قرض الشقق السكنية خصوصا أن قرض التمويل العقاري من البنك بيوصل ل 80% من قيمة العقار وعائد متناقص 8%، وقسط ثابت طوال فترة التمويل، ومكانية الجمع بين دخل الزوج والزوجة .


اما عن الشروط والأوراق اللي حددها البنك للحصول علي قرض الشقق السكنية فالبنك اشترط أن يكون الدخل الشهري للفرد ميقلش عن 3500 جنيه ولا وميزتش عن 40 ألف جنيه، ويكون الدخل الشهري للأسرة  ميقلش عن 5700 جنيه وميزدتش عن 50 ألف جنيه، ويكون الحد الأدنى لعمر العميل 21 عامًا، وميزتش عن 60  وقت دفع القسط الأخير بالنسبه للموظفين، و65 سنة لأصحاب الأعمال والمهن الحرة، وتكون قيمة جميع الالتزامات المالية مع القسط العقاري ميزدتش عن 40% من إجمالي الدخل، ده غير إن الحصول علي القرض بيقدم تأمين على الحياة والعجز الكلي خلال فترة التمويل، وتأمين على الوحدة من أخطار الحريق خلال فترة التمويل.