الخميس 29 فبراير 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

بوابة مليارات وأكبر من دبي.. مفاجآت جديدة في مشروع رأس الحكمة

السبت 10/فبراير/2024 - 01:04 ص
صورة ارشيفية
صورة ارشيفية

 

ايه الجديد في مشروع رأس الحكمة وايه المفاجآت اللي كشفها مسؤول رسمي في الساعات الأخيرة وسر الاهتمام والهجوم على المشروع.. كل ده هنعرفه مع حضراتكم في الفيديو ده خليكم معانا
 


فجأة مشروع رأس الحكمة طلع ترند في الأيام الأخيرة بعد هجوم كتائب الشر على المشروع من غير ما يعرفوا اي تفاصيل عن المشروعات الضخمة اللي هتتعمل هناك وطلعوا وقالوا الحكومة والسيسي هيبيعوا المنطقة كلها في الساحل الشمالي للاماراتيين في جهل تام بأبسط قواعد الاستثمار لكن جتلهم توجيهات بمهاجمة المشروع وخلاص وخبرتنا مع كتائب الشر بتقول إنه لما بيهاجموا اي مشروع بيبقي إنجاز للدولة المصرية وهينطلق بيها ولأنهم كارهين الخير للبلد دي من زمان بيحاولوا يشوهوا اي مشروع قومي زي ما حصل كده في مشروع تفريعة قناة السويس واللي هاجموه بضراوة وبعدها ثبت إنه مشروع عالمي ساهم في مضاعفة إيرادات قناة السويس بعد تمكن السفن الضخمة من العبور

نرجع لمشروع رأس الحكمة واللي الإخوان بدأو في الهجوم عليه بقوة زي ما حصل مع مشروعات عملاقة قبل كده ومن شوية أعلن رئيس هيئة الاستثمار وده مسؤول رسمي تفاصيل المشروع عشان يخرس أبواق الإخوان وقال إنه تم فعلاً  بدء الاستثمار في مشروع رأس الحكمة وان  الاستثمارات المبدئية للمشروع اكتر من 22 مليار دولار وقال كمان إن الهيئة تلقت عروض كتير من عدة تحالفات استثمارية دولية واختير تحالف إماراتي لتنفيذ المشروع لانه الأنسب والأكبر وكشف كمان إن 
التحالف الإماراتي هيكون مسؤول عن تمويل وتطوير وإدارة المشروع وإن الهيئة انتهت من المفاوضات وبيتم التجهيز لتوقيع العقود وقال رئيس الهيئة إن فيه شركات محلية وأجنبية هتشارك في تنفيذ مشروعات تانية داخل مشروع رأس الحكمة وإن المشروع يأتي في إطار تطوير منطقة الساحل الشمالي وهيكون نموذجاً لمشروعات أخرى.

ولغاية هنا خلص كلام المسؤول ومجبش سيرة بيع الأرض لأن مصر مش بتبيع أرضها لكن زي ماقال استثمار فقط يا مصريين والجانب الاماراتي هيدفع مليارات الدولارات في المشروع واللي ضمن مشروعات استثمارية تانية بتقلب حال الساحل الشمالي كله وتخليه عاصمة للسياحة والترفيه والتسويق وتوطين البراندات العالمية يعني المشروع كله لنا يخلص الساحل الشمالي هيتحول لمنطقة قد دبي مرتين تلاتة نظرا لمساحته على طول الساحل الشمالي وبسبب المتاخ والشواطئ اللي ملهاش مثيل في العالم وهيوفر ملايين من فرص العمل وتخيل مشروع واحد استثماراته 22 مليار دولار على أقل تقدير هيجيب أرباح كام للدولة وايرادات وده كله بخلاف العلمين الجديدة ومشروعات الفنادق اللي بتعملها الدولة.. عرفتوا ليه بقي الإخوان هاجموا المشروع.