الملف الصعب قدام السيسي.. إيه القرار اللي جاي

العالم كله في دوامة وصراع وحروب ومحدش عارف إيه اللي جاي بس المتفق عليه إن الضعيف ملهوش مكان وهيعاني جدا لأن فيه اضطرابات في كل الأسواق والصراع في أي منطقة بيقلب العالم كله وبيجنن الأسواق بكل أنواعها.. مصر إزاي قدرت تهرب من المصير المجهول وإيه الملفات الصعبة قدام الرئيس السيسي دلوقتي .

في فترة من الفترات العالم كله افتكر إن مصر وقعت وانهارت ومش لاقية الخبز ولا السولار ولا الدولار وداخله على صراع داخلي.. كلنا فاكرين الأيام السودا دي لكن ربنا كان رحيم وسخر ناس تطلع مصر من شدتها ومش ينقذها من الجوع بس دا كمان البلد راحت في حتة تانية من التنمية والاقتصاد والانطلاق وترليونات الجنيهات ادفعت في البنية الأساسية والطاقة والسكك الحديدية والنقل والزراعة والصناعة والتكنولوجيا والميكنة والري والمواني والمدن الجديدة والمشروعات الخاصة وحياة كريمة والقضاء على العشوائيات والمرض والفقر وغيرها وغيرها من ألاف المشروعات اللي تمت في زمن قياسي يعتبر اعجاز في علوم الإنشاءات.
لولا دا كله كان زمان مصر وقعت بجد ومش لاقية الدوا ولا العيش ولا السكن ولا الطرق والغاز والبنزين وكنا هنرجع 100 سنة لورا لكن ربنا جعلها أسباب وقدرت مصر تعبر كل الأزمات والتحديات وتهزم الشر وأعوانه وتقضي على الفتن والإرهاب وتجهض كل المحاولات والمؤامرات اللي خافت إن مصر تعدي الخطر والخطوط الحمراء في القوة والنفوذ والانتشار في المنطقة والعالم.
قدر السيسي ينفذ المستحيل محاربة الإرهاب والشر وفي نفس الوقت بيسابق الزمن عشان يبني ويعمر ويغير الأفكار القديمة ويبني الدولة من جديد ويخليها عافية وشديدة وقوية تنافس كل دول العالم المتقدم وحقق أعلى معدل نمو في العالم واتنبأت بنوك عالمية إن مصر هتكون أقوى اقتصاد في المنطقة سنة 2050 وأقوي سابع اقتصاد في العالم سنة 2075 ودا اللي خلي المنافسين والحاقدين في المنطقة يحاولوا يوقعوا البلد.

المهم مصر عدت من كوورنا وهزمت الأزمة واجهت كارثة الدولار وقربت تعدي منها، لكن دلوقتي فيه ملف تاني خطير على مكتب الرئيس السيسي وهو بخصوص اللي بيحصل في المنطقة وتأثيره على مصر اقتصاديا ودا غير باقي الخطر على الدولة المصرية، وكأن الرئيس عارف اللي كان هيحصل من توتر في العالم قبلها ولو ملاحظين الحكومة رفعت السقف الزمني لاحتياطي السلع بأكتر من6 شهور بعد ما وصلت ل3 و4 شهور في بعض السلع كمان الحكوم سرعت من وتيرة استيرادا القمح بكميات كبيرة وبالأمر المباشر ودا عشان تأمين الاحتياطي الاستراتيجي من الغذاء للمصريين في وقت محدش عارف بكرة فيه إيه، وكانت توجيهات الرئيس واضحة جدا بحصوص تأمين احتياجات الدولة كلها لتجنب أي أزمة ولسه فيه قرارات تانية هتصدر قريب من الرئيس لابعاد الخطر عن المواطنين من اي اتجاه