أعرف أقل فائدة على قرض السيارة من 5 بنوك مصرية

ناس كتير بتدور على قرض لشراء سيارة بسبب حاجتهم الكبيرة ليها وبتحاول تشوف البنوك اللي بتقدم فائدة، أقل إحنا هنا في بانكير هنقولك على خمس بنوك مصرية بتقدم قرض السيارة بأقل فائدة.

على رأس البنوك اللي بتقدم قرض السيارة بفائدة قليلة، البنك الأهلي المصري واللي بيقدم فرض السيارة بفائدة من 23% إلى 24.5%، حسب فئة العميل وشروط التمويل وبتوصل قيمة التمويل من 20 ألف جنيه وحتى مليون جنيه.

إما بنك القاهرة بيقدم قرض السيارة من 18% إلى 23.5% متناقصة، وتصل قيمة التمويل إلى 6 ملايين جنيه حسب فئة العميل، وبيقدم بنك التعمير والإسكان قرض السيارة من 14% إلى 19.5% متناقصة، وتصل قيمة التمويل إلى مليون ونصف جنيه وكمان بيقدم البنك التجاري الدولي CIB قرض السيارة بفائدة 22% متناقصة، والتمويل يصل إلى 8 ملايين جنيه وفقا لفئة العميل وأخيرًا قرض السيارة من بنك الإسكندرية واللي بتكون نسبة الفائدة من 14.5% إلى 16.5% والتمويل يصل إلى مليون جنيه.