الجمعة 29 مارس 2024
رئيس التحرير
عمرو عامر
المشرف العام
عبدالعظيم حشيش
منتجات وخدمات

مفاجأة.. بنك قطاع خاص يطرح شهادة ادخار بسعر مغري

الجمعة 10/مارس/2023 - 02:02 ص
شهادة استثمار جديدة
شهادة استثمار جديدة في البنك العربي الافريقي الدولي

في مفاجأة مدوية.. أعلن البنك العربي الافريقي الدولي عن إصدار شهادة ادخار جديدة بفائدة تقترب من 19% سنوياً ، حيث تعتبر تلك الشهادة هي الاعلي في مصر إلي الآن.

تفاصيل الشهادة

شهادة لمدة 3 سنوات بعائد سنوي ثابت 18.75% ويصرف العائد سنويًا، أو 17.75% في حالة صرفه نصف سنويًا، أو 17.50% في حالة صرفه ربع سنويًا، أو 17.25% في حالة صرفه شهريًا، ويبدأ الحد الأدنى لشرائها من 5 آلاف جنيه مصري.

 

 

ايه اللي هيحصل بعد ارتفاع التضخم لأكتر من 40٪.. رفع غير متوقع لأسعار الفائدة وشهادات استثمار أعلى من 25٪

 

وأعلن البنك المركزي المصري أصدر بيان خطير ومهم جدا عن ارتفاع المعدل السنوي للتضخم الأساسي إلي 40.3% لشهر فبراير 2023، مقابل 31.2% يناير الماضي... ليه التضخم زاد بالشكل ده كله.. والمركزي هيعمل إيه في سعر الفايدة وشهادات الادخار اللي المفروض يطرحها..


اكيد بيان المركزي عن التضخم  هيكون ليه تبعات كتيرة في الأيام الجاية وفي نفس الوقت هيفرض نفسه على اجتماع لجنة السياسة النقدية اللي في 30 مارس الحالي واللي اكيد اللجنة هتلاقي نفسها مضطرة ترفع اسعار الفايدة بشكل مناسب عشان تسيطر على غول التضخم وعشان تعمل كده لازم تكون اكتر من 300 نقطة أساس زي ما قال خبراء الاقتصاد عشان الأمور متخرجش عن السيطرة.

التضخم 
 

ونرجع شوية لبيان المركزي وهنلاقي. إن التضخم العام  في بيانات جهاز التعبئة والاحصاء وصل 31.9% على أساس سنوى و7.1% على أساس شهرى وهى أعلى مستوى منذ 33 سنة وقال البيان إن  أسعار الطعام خلال الـ12 شهر المنتهية بفبراير 2023 زادت 61.5%... طبعا الأرقام تخوف لأن الارتفاع كبير جدا ولازم تدخل حاسم وسريع وده خلى ناس تتوقع تعجيل قرار الفائدة بدعوة لجنة السياسة النقدية لاجتماع استثنائي وتاخد القرار المناسب..

طيب اللجنة هتعمل ايه.. شوف حضرتك لو اللجنة رفعت سعر الفائدة 300 أو أقل أو أكتر، بالطبع هيحصل ارتفاع في أسعار الدولار والسلع اللي بنستوردها من بره، وكمان هيحصل فائض سيولة في السوق وهنا لازم البنوك هتطرح شهادات ادخار  أعلى من 25%  زي ما قال بتوع الاقتصاد لأن النسبة دي هي المناسبة من وجهة نظرهم عشان تقدر تلك السيولة من السوق وبسرعة عشان ما نخبطش في حيطة ركود.
طبعا البيان بيقول إن اللي جاي صعب لأنه مع التضخم وقرار الفدرالي وحلول اجل شهادة ال18% يوم 22 مارس الحالي يعني عندك 700 مليار جنيه هتكون زيادة في السوق ولو ماتسحبتش هتبقي مشكلة أكبر .