حذف 22 مليون أسرة من تكافل وكرامة؟.. تحرك برلماني يكشف التفاصيل
الأحد 01/نوفمبر/2026 - 04:00 ص
22 مليون أسرة اتحذفوا من تكافل وكرامة؟.. بيوت كتير اتفاجأت بقطع المعاش فجأة من غير أي سابق إنذار والسبب اللي أعلنته الوزارة هو تحسن الحالة الاقتصادية للأسر ديه.
طبعا القرار ده عمل حالة غضب واسعة وخلى البرلمان يتحرك فوراً بطلب إحاطة شديد اللهجة لوزيرة التضامن النواب وسألوا عن إزاي مع زيادة الأسعار والغلاء الحالي يتعتبر مبلغ 900 جنيه سبب كافي لخروج أسرة بره خط الفقر وحرمانها تماماً من الدعم ده غير إن ميزانية البرنامج نفسه اتخفضت من 57 مليار لـ 42 مليار جنيه.
الأزمة مش بس في قطع المبلغ الشهري الحذف ده معناه كمان حرمان الأسر دي من إعفاءات المصاريف المدرسية والتأمين الصحي ومنع إضافة أطفالهم على البطاقات التموينية والناس اللي تقدمت بتظلمات بتستنى شهور طويلة من غير ما حد ينزل يعملهم بحث ميداني أو يحسم موقفهم.
