600 ألف عداد سنويًا.. مصر تدخل مرحلة جديدة في تصنيع عدادات الغاز الذكية
600 ألف عداد غاز ذكي كل سنة.. مصر فتحت مصنع جديد في السويس، وبتبدأ خطوة مهمة لتصنيع معدات قطاع الطاقة محليًا بدل الاعتماد على استيرادها من الخارج
المصنع افتتحه رئيس الوزراء مصطفى مدبولي، وبيضم خطوط إنتاج متطورة لعدادات الغاز الذكية وطلمبات الوقود الرقمية، من خلال شراكة بين الهيئة المصرية العامة للبترول وشركة جلوبال تكنيكال سيرفيسز.
لكن المفاجأة مش في عدد العدادات بس.. المصنع بيستهدف كمان إنتاج 6 آلاف مضخة وقود رقمية سنويًا، بالتعاون مع شركات عالمية متخصصة.
أما عدادات الغاز، فتصنيعها بيتم بالتعاون مع شركة «Kaifa» الصينية، بطاقة إنتاجية مستهدفة تصل إلى 600 ألف عداد سنويًا.
والأهم إن المشروع مش مجرد تجميع معدات مستوردة.. فيه خطة لزيادة نسبة المكون المحلي من 40% حاليًا إلى 80% بنهاية العام الثالث، من خلال نقل التكنولوجيا والخبرات الفنية وتعميق التصنيع المحلي.
يعني مصر بتستهدف توفير احتياجات السوق من عدادات الغاز وطلمبات الوقود، وتقليل فاتورة الاستيراد، وفتح المجال قدام صناعة محلية قادرة على المنافسة.
والسؤال هنا.. هل نشوف خلال السنوات الجاية عدادات غاز وطلمبات وقود مصرية بالكامل، وتتحول مصر لمركز لتصنيع وتصدير المعدات دي؟
