هل دا وقت مناسب علشان تستثمر في شهادات الإدخار؟
الإثنين 27/فبراير/2023 - 01:46 ص
دا سؤال مهم جدا.. والناس بتسأله كتير.. هل دا وقت مناسب لشراء شهادات الإدخار.. وهل ممكن يكون في شهادات إدخار أعلى الفترة الجاية.
بص يا فندم.. شهادات الإدخار هي وسيلة ممتازة لأنها تدر عليك مبلغ كل شهر أو سنة أو ٣ سنين بدل ما تحط فلوسك في وديعة أو تحوشهم على جنب وقيمتهم تقل.
طيب هل دا وقت مناسب لشهادات الإدخار
إحنا هنا بنقولك.. أي وقت مناسب لشراء الشهادات.. لأن زي ما قولنا بتزود فلوسك مش بتنقصها ولا بتفضل زي ما هي.
نيجي للجزء الأهم.. اية أعلى شهادة إدخار دلوقتي بعد وقف بنك مصر والبنك الأهلي لشهادة ال ٢٥٪ وال ٢٢.٥٪.
بص يا فندم.. دلوقتي في شهادات بيطرحها البنك العربي الأفريقي الدولي.. واللي بيبيع شهادة ادخار بأعلى فايدة لأجل سنة ونصف.. بفايدة تصل ل 20% وبيصرف العائد شهرياً و22.5% ودا بيصرف بنهاية الاستحقاق.
