اية الفرق بين ال Debit card وال Credit Card.. وازاي نستخدمهم

لسه لحد دلوقتي في ناس مش عارفة اية الفرق بين البطاقات البنكية.. واللي أهمهم ال Deit card والCredit Card.

بص يا فندم..  بطاقة الـ Deit card.. دي بطاقة خصم مباشر.. ودي بتستخدمها لما تيجي تصرف مرتبك مثلا.. 
وهنا أنت بتقوم بالسحب والتعامل على حسابك الشخصي.. سواء كان حساب جاري أو توفير، أو تستخدمها فى أنك تقوم بسحب عوائد شهادات الإدخار.. أو تقدر تستخدمها لما تدفع لأي حاجة أنت اشتريتها.

إنما بطاقة الـ Credit Card.. أو بطاقة الائتمان.. وهي عبارة عن حد ائتماني بيمنحه ليك البنك أو بيديلك مبلغ معين فى الكارت دا.. وأنت بتقدر تستخدمه بس الاستخدام يكون فى حدود المبلغ اللى البنك مديهولك، واستعماله بيكون فى حركات السحب الكاش أو المشتريات أو أنك تشتري أون لاين.. ومعظم البنوك بتمنحك الكارت بضمان وظيفتك أو عضويتك فى نادي.. وفى حالة استخدامك لرصيد الكارت دا.. أنت بتصبح مدين للبنك بالمبلغ دا لحد ما تسدده فى التاريخ اللى بيحدده البنك.

نتمنى تكون عرفتم الفرق بين الاتنين