300 ميجاوات من رياح رأس شقير.. مصر بتزود قوة شبكة الكهرباء في 2027
الثلاثاء 08/سبتمبر/2026 - 02:30 ص
مصر بتجهز إضافة جديدة وقوية لشبكة الكهرباء.. المرة دي من رياح رأس شقير، اللي بتشهد تنفيذ مشروع ضخم لإنتاج الكهرباء من طاقة الرياح بقدرة إجمالية تصل لـ900 ميجاوات.
والجديد إن أول مرحلة من المشروع، بقدرة 300 ميجاوات، مستهدف ربطها بالشبكة القومية للكهرباء في ديسمبر 2027.
أما المرحلة التانية، فهتضيف 600 ميجاوات جديدة، والمخطط ربطها بالشبكة في يونيو 2028.
يعني إجمالي المشروع هيوصل لـ900 ميجاوات من الكهرباء النظيفة، ضمن خطة مصر للتوسع في الطاقة المتجددة وتقليل الاعتماد على الوقود التقليدي.
والهدف مش بس زيادة قدرات الكهرباء.. لكن كمان دعم استقرار الشبكة، وتأمين التغذية الكهربائية، وزيادة مساهمة الطاقة النظيفة في مزيج الطاقة.
مصر بتوسع استثماراتها في الرياح والطاقة النظيفة.. ورأس شقير واحدة من المحطات المهمة في الطريق ده.
