بـ 250 ألف جنيه.. عربية أمان أوروبي وأوبشنز
الأربعاء 14/يناير/2026 - 12:40 ص
لو ميزانيتك على القد خالص، وبتدور على عربية مستعملة شكلها حلو وفيها أوبشنز، العربية دي جيلي إمجراند EC7 موديل 2014.
سعرها في سوق المستعمل دلوقتي بيتراوح من 230 لـ 280 ألف جنيه.
طب بتاخد إيه بالسعر ده؟ بتاخد عربية واخده 4 نجوم في اختبارات الأمان الأوروبية، وفيها فرامل ABS وEBD وإيرباجز.
ومن جوه، فيها كماليات مش هتلاقيها في عربيات كتير في نفس سعرها، زي كراسي جلد، تكييف تاتش، وفتحة سقف في الفئات الأعلى. ده غير إن شنطتها واسعة وموفرة في البنزين. باختصار، بتاخد عربية قيمة مقابل سعر ممتازة.
