كابوس في "ماونتن فيو".. شقتك ممكن تضيع في مكالمة
الثلاثاء 23/ديسمبر/2025 - 12:17 ص
تخيل تدفع شقى عمرك في شقة، وفجأة تصحى تلاقي الشركة سحبتها منك وكمان بتغرمك!
اللي بيحصل في 'ماونتن فيو' حاليا صدمة حقيقية."
مواطن قدم بلاغ عاجل للنائب العام بيتهم الشركة بالتلاعب.
الحكاية بدأت لما حجز شقته وسدد ثمنها، فجأة الشركة سحبتها وادتها لغيره وأجبرته ياخد شقة بديلة!
والدراما كملت بمكالمة من سيدة مجهولة طلبت منه يحول القسط على حساب بنكي 'مختلف'.. ولما حول الفلوس وتأخر يومين بس، فرضوا عليه غرامة وسحبوا الوحدة!
الموضوع مابقاش فردي، ده فيه عملاء بقالهم 10 سنين مستنيين الاستلام وصوتهم وصل لرئاسة الجمهورية.
لما الأسماء الكبيرة تتلاعب بالعقود وتغير حساباتها في التليفون، يبقى حق المواطن في خطر.
البلاغات دلوقتي قدام النيابة، والسؤال.. مين هيحمي المستثمر الصغير من غول العقارات؟"
