كسبوا مليارات بسبب الـAi.. قفزة تاريخية في ثروة أغنى أغنياء العالم
عملوا مليارات الدولارات من ورا الذكاء الاصطناعي.. قفزة تاريخية في ثروة أغنى 10 أشخاص في العالم.. يا ترى عملوها إزاي؟
لو قولتلك أن أغنى 10 أشخاص على الكوكب زودوا ثرواتهم بحوالي 523 مليار دولار في سنة واحدة بس.. و مجموع فلوسهم دلوقتي وصل لـ 2.5 تريليون دولار.. انت متخيل الرقم
يعني ده تقريبا كدا أكبر من قيمة شركة أمازون بكل مبيعاتها اللي بتعدي 600 مليار دولار في السنة وبأكتر من مليون ونص موظف حوالين العالم.
طب إزاي إيه اللي حصل..
الجواب.. الذكاء الاصطناعي.. التقنية اللي كانت زمان مجرد فكرة في المعامل بقت دلوقتي مكنة بتطلع ثروات بالمليارات.
مش بس غيرت شكل العالم دي كمان غيرت خريطة الأغنياء نفسها
خلينا نحكي الأرقام واحدة واحدة وثروة كل واحد عليا ازاي.
نبدأ بـ لاري إليسون مؤسس شركة أوراكل كان نجم السنة دي من غير منافس واللي كسب لوحده حوالي 150 مليار دولار وثرواته وصلت لـ 343 مليار.
ووراه على طول لاري بايج وسيرجي برين مؤسسي جوجل اللي زود كل واحد فيهم أكتر من 60 مليار دولار من أول السنة.
أما بقى مارك زوكربيرغ صاحب ميتا وجنسن هوانغ المدير التنفيذي لنفيديا فكل واحد فيهم كسب أكتر من 50 مليار دولار.
كمان مايكل ديل ستيف بالمر وإيلون ماسك و اللي زود كل واحد فيهم ب أكتر من 30 مليار دولار.
ده حتى برنارد أرنو ملك الموضة والرفاهية زاد بـ 19 مليار وجيف بيزوس دخل على 11 مليار دولار زيادة.
بس الغريب مش هنا الغريب إن في يوم واحد بس العشرة دول زودوا ثرواتهم بحوالي 45 مليار دولار يوم واحد.
وده كله بسبب الارتفاع الجنوني في أسهم شركات التكنولوجيا خصوصًا الشركات اللي بتشتغل في مجال الذكاء الاصطناعي.
زي أوراكل جوجل نفيديا ودِل اللي أسهمها قفزت من 25 في المية لحد 70 في المية في السوق.
اللي بيتابعوا الاقتصاد شايفين إننا عايشين ثورة مالية حقيقية ثورة بيقودها الذكاء الاصطناعي
بس في نفس الوقت في ناس تانية بتحذر وبتقول استنوا شوية ممكن اللي بيحصل ده يكون فقاعة وممكن تنفجر في أي لحظة.
لكن الحقيقة اللي محدش يقدر ينكرها.. إن الذكاء الاصطناعي بقى النهارده المحرك الأول لثروات العالم.
ودلوقتي قولنا انت بقى عرفت تستفيد منه ولا لسة شاركنا برأيك في التعليقات.
