19 فندق عائم في باستثمارات اكتر من مليار جنيه.. هيدخل مليارات للبلد وهيضاعف إنفاق السائح.. ايه القصة!
مصر بتحول السياحة من مجرد مناظر حلوة لصناعة تقيلة بتدخل عملة صعبة وتشغل آلاف الشباب وتبني اقتصاد أقوى بخطة واضحة واستثمارات بالمليارات.. فنادق عايمة هتغير شكل السياحة في مصر ايه الحكاية.
السياحة في مصر دلوقتي مش ماشية بارتجال ولا بالحظ لا دي ماشية بخطة مدروسة ومحسوبة بالأرقام وكل خطوة فيها وراها تفكير اقتصادي بيحسب العائد قبل ما يحط أي استثمار والنتايج باينة قدام الكل.
النهاردة مصر بتستقبل 19 فندق عايم جديد على النيل باستثمارات بتزيد عن 1 مليار جنيه وده زود الطاقة الاستيعابية بحوالي 10٪ مع بداية موسم شتا الناس بتجيلنا فيه من كل حتة في العالم عدد الفنادق العايمة بقى 205 فندق بيضموا أكتر من 12000 غرفة.
طيب وده معناه ايه وهيغيدنا في ايه
عد معايا يا سيدي اولا هي ود فرص شغل أكتر .. ودخل أعلى وتدفق نقدي مستمر.
ده غير أن السائح اللي بيركب فندق عايم معدل إنفاقه بيكون أضعاف اللي بيروح شواطئ وده معناه كل فندق عايم داخل الخدمة هو ماكينة فلوس ماشية بتصرف جوه البلد بتشغّل ناس وتدفع ضرائب وتحرّك السوق من أول العامل لحد المستثمر.
الحكومة كمان شغالة على خطة طويلة المدى هدفها تضيف 340000 غرفة فندقية جديدة قبل 2031 علشان نوصل لإجمالي 568000 غرفة بدل ما كنا على 228000 في نهاية 2024 وده معناه تضاعف الطاقة الاستيعابية للفنادق بنسبة 149٪ في أقل من 7 سنين.
وده مش مجرد توسع عشوائي.. كل غرفة جديدة معناها عامل زيادة شيف سواق شركة سياحة مورد خدمات ده غير المرافق والتطوير والصيانة والتشغيل الفنادق كمان بيتعمل لها إعادة تأهيل بتكلفة بتوصل لـ 50 أو 60 مليون جنيه للفندق الواحد يعني القطاع الخاص بيضخ استثمارات ضخمة في تطوير البنية السياحية مش بس زيادة الكم لكن كمان تحسين الكيف والجودة.
السنة دي مصر استقبلت 15 مليون سائح في 9 شهور وبتقرب تحقق الهدف الرسمي إنها توصل لـ 18 مليون سائح قبل نهاية السنة وده ارتفاع تاريخي في أعداد الزوار الدخل من السياحة لوحده السنة اللي فاتت وصل لـ 16.7 مليار دولار وعدد الليالي السياحية تخطى 179 مليون ليلة يعني متوسط إقامة أعلى وإنفاق أكبر وفلوس أكتر داخلة السوق.
الحكومة كمان بتسهّل كل حاجة للمستثمرين من تراخيص لمراكب شعبية لفنادق جديدة لذهبيات سياحية يعني المشهد بيتوسّع أفقيًا ورأسيًا وبيفتح الباب لمستويات جديدة من السياحة من الطبقة المتوسطة لحد السياحة الفاخرة.
كل جنيه بيتصرف في السياحة بيرجع كأرباح مباشرة وغير مباشرة بيشغل صنايعية وفنيين وموظفين بيحرّك السوق ويدخل عملة صعبة ويدي صورة إيجابية عن مصر برة.
وده اللي بيأكد إن السياحة في مصر مش بس شكل حلو لكنها أداة اقتصادية قوية ماشية بخطة واضحة وبتحقق نتايج واللي جاي أكتر والمستقبل واعد والأرقام بتتكلم لوحدها.
