عايزين ننافس العالم.. مصر بتحول الذهب لمصدر دخل قومي بتكنولوجيا جديدة
مصر ربنا أداها كنوز طبيعية مهمة جدا واحد من الكنوز المهمة دي هو منجم السكري واللي الحكومة حطت خطة هتخلي ناتجه من الذهب يتضاعف مرات المرات .. ياتري اية اللي بيحصل في منجم السكري وازاي الحكومة هتضاعف إنتاجه من الذهب.
مصر واحدة من الدول اللي محظوظة بموقعها الجغرافي وثرواتها المعدنية والطبيعية اللي مش موجودة في أغلب كل العالم، ده غير أن جوها معتدل في فصل الصيف ودافي في فصل الشتاء، وده خلي مصر واحدة من أهم القوي الاقتصادية النامية في الألفية الحالية واللي كل مؤسسات العالم بتتوقع لها امها تكون واحدة من القوي الاقتصادية المهمة علي مستوي العالم في الوقت اللي جاي.
واحد من الثروات المهمة جدا اللي ربنا حبي بيها مصر هو منجم السكري واللي موجود علي بعد 30 كيلو متر من مدينة مرسى علم في صحراء البحر الأحمر، وبيعد واحد من أكبر مناجم الذهب في العالم من حيث الاحتياطي والإنتاج، وحاليا الحكومة حطت خطة طموحة لزيادة إنتاجه من خام الذهب وده في إطار جهود الدولة المصرية لتعظيم الاستفادة من ثرواتها الطبيعية كواحد من بنود رؤية مصر 2030.
الخطة الطموحة اللي بتنفذها الحكومة في الوقت الحالي بتستهدف زيادة إنتاجية خام الذهب من منجم السكري والاعتماد علي التكنولوجيا والاستثمارات المشتركة مع القطاع الخاص واستخدام تقنيات حديثة في التنقيب والمعالجة.
الحكومة بدأت خطة زيادة وتعزيز إنتاجية منجم السكري من خلال التعاون مع عدد من كبري شركات القطاع الخاص زي شركة سنتامين العالمية، واللي بتدير المنجم بنظام المشاركة في الأرباح وكمان الحكومة توسعت من زيادة قدرات زيادة الناتج القومي من دخول الاستثمارات في قطاع الذهب عن طريق إنشاء وتشغيل مشروعات صغيرة ومصانع لإنتاج السبائك ومشتقات الذهب محليا وده واحدة من أهم أسباب زيادة صادرات مصر من المشغولات الذهبية وتغطية السوق المحلي ووقف الاستيراد من الخارج وكمان وقف تصدير خام الذهب الي الخارج وإعادة استيراده في صورة مشغولات، ده غير فرص العمل الكتيرة المباشرة والغير مباشرة اللي وفرها القطاع ده للشباب.
الجهود اللي قامت بيها الحكومة خلت إنتاج من الذهب ارتفع بنسبة 9% في النصف الأول من 2025 مقارنة بالفترة نفسها من عام 2024، وحاليا وصل انتاج مصر من منجم السكري الي 246 ألف أونصة مقابل 225 ألف أونصة في النصف الأول من 2024.
الإنتاج الكبير اللي حققته الشركة المسئولة عن أعمال التعدين واستخراج الذهب من منجم السكرى خلها تسدد للحكومة 24 مليون دولار حقوق امتياز لمصر عن منجم السكري في النصف الأول من 2025 ودي بتمثل نسبة 3% من الذهب المُباع، ده غير نصيب مصر من الأرباح، وسجلت مبيعات مصر من منجم السكري ف النصف الأول من 2025 الي 780 مليون دولار.
