وقف صرف الأسمدة لـ20 ألف مزارع.. شوف إيه حكايتهم وإيه سبب القرار ده

 
واضح أن الدولة مش هتسيب حقها مع اي مواطن يتعدي القوانين والمرة دي القانون هيطبق علي الناس اللي سرقت كهرباء، يا تري اية اللي هتعمله معاهم الدولة بعد ما رفعت اسمائهم من بطاقات التموين وهل في اجراءات جديدة الدولة اخذتها بحقهم

الدولة حاليا بتبعت كل يوم رسالة وبتأكد فيها أنها مش هتتهاون مع أي مواطن يسرق الكهرباء أو يستولي عليها بطريقة غير شرعية، ومؤخرا الحكومة طالبت كل اللي بينور بنظام الممارسة بتقنين وضعه وتركيب عداد كودي وكمان شدددت اجراءات القانونية في الناس اللي بيثبت عليها سرقة كهرباء.

طيب اية اللي هتعمله الدولة مع الناس اللي معاها محاضر سرقة تيار كهربائي بطريقة غير شرعية؟.
الحكومة أعلنت من فترة عن الغاء الدعم التمويني لاي مواطن يثبت استيلائه علي الكهرباء بطريقة غير شرعية وفعلا وزارة التموين اعلنت عن بدء وقف بطاقات اي مواطن عنده محضر سرقة تيار كهربائي، وهيتم وقف صرف السلع التموينية لهم بشكل كامل.

بعد الخطوة بتاع وزارة التموين بالغاء الدعم التمويني للناس اللي بتسرق كهرباء، جه الدور علي وزارة الزراعة واللي اعلنت وقف صرف الأسمدة المدعمة لـ  18 ألف منتفع صدرت لهم محاضر سرقة الكهرباء والتعدي على أراضي الدولة ومخالفات البناء منهم  4095 مواطنا لهم حيازات زراعية.

وزارة الزراعة واستصلاح الاراضي قالت ان الحكومة وجهت كل الجهات اللي بتقدم دعم في الدولة خصوصا وزارة التموين لإلغاء الدعم التموينى عن المعتدين على الأراضي الزراعية بالبناء، بالاضافة الي اتخاذ كل الاجراءات القانونية حيال المخالفين بهدف الحفاظ على الرقعة الزراعية اللي بتعتبر المصدر الرئيسى للغذاء.

وزارة الزارعة قالت كمان أن علاء فاروق وزير الزراعة واستصلاح الأراضي بيتابع على مدار الساعة جهود منع التعديات على الأراضى الزراعية ووجه قيادات الوزارة بالازالة الفورية لحالات التعدى مع إعادة الأرض لطبيعتها الزراعية بالتنسيق  مع أجهزة الشرطة والحكم المحلي في كل المحافظات.

طيب اية اللي عملته وزارة الكهرباء علشان توصل لوقف الدعم التمويني وصرف الاسمدة للمواطنين اللي عليهم محاضر بسرقة الكهرباء؟.
وزارة الكهرباء والطاقة المتجددة اعلنت انها خاطبت وزارة الزراعة لوقف صرف الأسمدة المدعمة للمزارعين اللي تم تحرير محاضر ليهم بسرقة تيار كهربائي بمختلف المناطق على مستوي الجمهورية، وفعلا تم وقف صرف الأسمدة لأكتر من 20 ألف مزارع صدر لهم محاضر سرقات تيار كهربائي في شهر أغسطس اللي فات.
وزارة الكهرباء والطاقة المتجددة قالت كمان، أن وزارة التموين خاطبت وزارة الزراعة لارسال قائمة باسماء المزارعين اللي تعدوا علي مهمات الكهرباء لوقف صرف الدعم والسلع التموينية لهم.

وعلشان نكون عارفين أن كل الاجراءات دي والاجراءات اللي لسه هتتخذ تاني كانت بتوجيهات من مجلس الوزراء اللي وجه بالتعامل مع سارقي التيار الكهرباء سواء بنظام الممارسة واللي بتعد سرقة ومش نظام قانونيا، والممارسة عبارة عن محضر سرقة تيار بيتم التصالح فيه مقابل دفع المبلغ المطلوب من الموطن، بالاضافة الي المحاضر اللي بيتم ضبطهم من قبل عناصر شرطة الكهرباء سواء كانوا سارقين كهرباء بطريقة مباشرة أو معدين سلك من وراء العداد .