وظائف جديدة ومفتاح دهب.. شوف بنك مصر بيعمل إيه مع عملائه

يا ترى إيه المفآجات اللي بيقدمها بنك مصر لعملائه دلوقتي، وايه حكاية الوظايف الجديدة للشباب ومفتاح دهب لبعض العملاء.. هنقولك الحكاية بالتفاصيل فخليك معانا للآخر. 
 

كتير من الشباب خاصة خريجي كلية التجارة، بيدورو على فرصة عمل في البنوك، والأيام دي بنك مصر بيحقق الحلم ده لعدد من الشباب.

الحكاية ببساطة، إن بنك مصر أعلن عن توفر  في مجال خدمة العملاء.

وطبعا الوظيفة الجديدة لها شروط، واللي من أهمها إن المتقدم يكون عنده ملكة الرد على العملاء وتقديم الدعم الكامل لهم عشان يضمن البنك رضاهم، كمان يقدر يتلقى أي مشكلة لعميل ويعبر عنها بطريقة كويسة ويحاول يلاقي حل مرضي له.

كمان من الشروط، إن المتقدم يحقق الأهداف المحددة للبنك، بكسب رضا العملاء بما لا يضر بمصلحة البنك، وكمان يقدر يوجه العملاء عشان يستخدموا الخدمات المصرفية الإلكترونية، ويعرفوا يديروا معاملاتهم الحسابية بطريقة إلكترونية، واللي هي قبول المدفوعات وصرف الشيكات وفحص أرصدة الحسابات وتحويل الفلوس. .

وهنا لازم خبرة عملية 3 سنين، وتكون حضرتك معاك بكالريوس من جامعة معتمدة، ولازم تقديرك يبقي  جيد أو أعلى من جيد، ويفضل تكون من  من دفعات 2021، 2022، أو 2023، والشرط الأهم مايكونش ليك قرايب شغالين في بنك مصر.

ومن الوظائف للمفتاح الدهب، انهاردة كمان بنك مصر أعلن عن عرض مميز للتمويل العقاري، واللي بيتيح قيمة تمويل تصل إلى 80% من قيمة الوحدة العقارية

وده بيكون بفترة سداد تصل إلى 180 شهر ، وبأقل مصاريف إدارية للتمويل، بالإضافة الى تأمين مجاني على الحياة والعجز الكلي، وكمان متاح الحصول على التمويل العقاري من خلال شبكة فروع البنك المنتشرة بجميع انحاء الجمهورية.

والعرض ده بيعتبر من أفضل العروض اللي بيقدمها بنك مصر دلوقتي للتمويل العقاري، واللي بيحتل المركز الأول بين البنوك في قيمة القروض الممنوحة خلال عام 2023 بقيمة قروض تم منحها خلال العام ما يزيد عن 4 مليار جنيه مصري.

وفي الحالة دي العملاء الحاصلين على تمويل عقاري بقيمة  10 مليون جنيه  بحد أدنى، هياخدوا مفتاح ذهب هدية،  العرض ساري لحد نهاية شهر سبتمبر 2024.

نقدر نقول كمان، إن بنك مصر حقق أعلى معدلات نمو في المحفظة بلغت 30 % بالمقارنة بعام 2022 ، ووصلت إجمالي محفظة التمويل العقاري ما يقرب من 20  مليار جنيه مصري لحوالي  137 ألف عميل.

وغير ده، بنك مصر بيقدم برامج تمويل عقاري متميزة سواء ضمن مبادرة التمويل العقاري اللي أطلقها البنك المركزي المصري، أو من أحد برامج التمويل العقاري المقدمة من خلاله، والي هدفها تقديم  تسهيلات تمويلية لتنشيط السوق العقاري، و تحقيق انتعاشة للاقتصاد المصري ككل.