خليك واعي وشوف اقتصاد بلدك رايح فين.. ارقام مهمة من الحكومة عن الاقتصاد الوطني

مصر من فترات كبيرة وهيا متحاوطة بشائعات وفتن علي الاقتصاد والعمل الحكومي ملهاش أول من آخر، وطبعا الشائعات والفتن دي معروف مصدرها.. بس مرخرا رئيس مجلس الوزراء طلع وطمن الناس علي أداء الاقتصاد الوطني.. يا تري وصلنا فين.. وهل الاقتصاد المصري بيموت زي ما بيحاولوا يرجو له.

الاستقرار الاقتصادي والسياسي اللي بتعتيشه مصر حاليا في دول كتيرة بتحاول تحده بكل الطرق ومستعده تدفع ارقام مهولة من الدولارات علشان توصل لهدفها وهو هدم السيادة والاقتصاد المصري، وطبعا الدول دي معروف أهدافها اية ومين وراها واية هيا اللي ناوية تعمله.
الجامعات دي يوم ورا التاني بتبس سموم وشائعات وفتن ملهاش أول من آخر عن الاقتصاد المصري واللي بيكدوا فيه ان الحكومة والناس اللي قايمين علي إدارة شئون الدولة ضيعوا مصر، وان مصر مش هتقوم لها قومه تاني بعد اللي حصل ده، وان الدولة غرقت في الديون ومعدلات الفقر والبطالة ارتفعوا لارقام صعب التعامل معها، ده غير ارتفاع معدلات التضخم، والناس اللي بتعاني اشد معاناة حاليا بسبب غلاء المعيشة وارتفاع الأسعار، وطبعا كل ده من وحي الخيال، خصوصا ان الجامعات والدول دي بتحاول بكل الطرق أنه يجروك لحرب وصراعات ملهاش اول من آخر علشان انت الدولة الوحيدة اللي واقفة في المنطقة العربية ضد مخططات شيطانية عايزة تغير الوضع في منطقة الشرق الأوسط بشكل كامل .
طيب اية مؤشرات الاقتصاد المصري في الوقت الحالي؟.
الدكتور مصطفى مدبولي، رئيس مجلس الوزراء، طلع في مؤتمر صحفي الأيام اللي فاتت وقال أن مصادر العملة الأجنبية في مصر مستقرة واحتياجات الدولة مؤمنة تماما وأن أزمة العملة اللي كانت في مصر استفاد منها تجار السوق السوداء ونشر الشائعات هدفه إثارة البلبلة،و أوضاعنا الاقتصادية مستقرة والاحتياطى يغطى 8 شهور.
مدبولي، أتكلم كمان وقال أن الدولة حاليا بصدد الإعلان عن سياسة ضريبية كاملة وواضحة ده غير برنامج واضح لدعم الصادرات وتقليل التضخم لأقل من 10%، ونفي كمان نية الحكومة بيع المطارات واالهدف هو رفع كفاءة وتشغيل المطارات من خلال الشراكة مع الشركات العالمية المتخصصة، وقال أن الكلام ده مش بدعة وكل مطارات العالم شغالة بالنظام ده.

مدبولي، قال كمان أن التعليم الفنى هو المستقبل خصوصا في مصر وفي نسبة كبيرة من الدول المتقدمة حوالين العالم أكثر من 50% قوامها التعليم الفني، وان برنامج الطروحات هيتم إعادة تحديثه وفقا للمستجدات اللى تمت من أحداث عالمية خصوصا أن الدولة بتستهدف استدامه نمو الاقتصاد المصرى، والأموال الساخنة اللى خرجت أقل من 8% من الرقم الإجمالى الموجود والأمور رجعت لطبيعتها .

مدبولي أتكلم كمان علي ارتفاع أسعار الإيجارات بسبب ضيوف مصر، وقال أن الدولة مش بتتدخل في سوق العقارات أو الإيجارات وده عرض وطلب، وقالن أنه مع استقرار الأوضاع فى المنطقة في عدد كبير من ضيوف مصر هيرجعوا لبلادهم.