استهلاكك بيحدد فاتورتك.. إزاي تعرف أنت في أنهي شريحة كهرباء؟

فاتورة الكهرباء بتاعتك ممكن تزيد قد إيه بعد الأسعار الجديدة؟ وهل تعرف أن سعر الكيلووات بيختلف حسب استهلاكك الشهري؟

تعالى أقولك كل التفاصيل.. أسعار الكهرباء للمنازل بقت متقسمة لـ7 شرائح، وبتبدأ من 68 قرش للكيلووات في أول شريحة، واللي بتشمل استهلاك لحد 50 كيلووات، ودي الدولة ثبتت سعرها من غير زيادة.

لمشاهدة الفيديو من هنا 

أما باقي الشرائح، فأسعارها بتبدأ من 87 قرش، وتوصل لـ2 جنيه و89 قرش للكيلووات في الشريحة اللي استهلاكها أكتر من 1000 كيلووات شهريًا.

والزيادة الجديدة متوسطها حوالي 12%، لكن خد بالك إن الفاتورة مش سعر الاستهلاك بس، لأن فيه كمان رسوم خدمة العملاء ومصاريف تانية.

والدولة بتتحمل حوالي 100 مليار جنيه سنويًا لدعم الكهرباء، ونسبة الدعم بتختلف حسب حجم استهلاك كل منزل.

يعني من الآخر، كل ما استهلاكك يزيد، بتدخل شريحة أغلى، وبتدفع أكتر.