2 تريليون جنيه.. ليه السيسي صرف كل المبلغ ده على النقل بس

ليه الدولة صرف مبالغ ضخمة على قطاع النقل لوحده وهل كل المشروعات اللي اتعملت دي كانت ضرورية ولو محصلش واتنفذت إيه اللي كان هيحصل .. تعالو نعرف القصة من أولها

في وزير زمان سألوه لو عاوزين نعمل تنمية عمرانية  في الصحرا أو اي مكان مهجور أو بعيد قالهم اعملوا فيه طريق وكل هيتعمر حوليه وده كلام بيلخص كل اللي ممكن يتقال عن اسباب انشاء الطرق والمحاور والمواني والبينية التحتية لأنه ببساطة لما تعمل طريق في قلب الصحرا بعدها تقدر تزرع الاراضي اللي حوليه وتعمل فيها مصانع وعمران ومساكن وخدمات ومجتمع بكر وجديد.
ومصر لو بصينا في الخريطة بتاعتها على مدار الـ30 سنة اللي قبل حكم الرئيس السيسي هنلاقي كل التوسعات اللي حصلت كانت في كام مدينة زي العاشر من رمضان والسادات والعامرية والشروق  والعبور وأغلب الطرق وشبكات وسائل النقل في المناطق القديمة متهالكة وعدها عليها سنين من غير تجديد واحلال وصيانة ونتيجة لكده ومع الزيادة السكانية الكبيرة البنية التحتية بقت نقريبا شبه منتهية ولا تقدر تستوعب مشروعات ولا استثمارات جديدة وضخمة.

طيب السيسي عمل ايه؟
في أول كلامه الرئيس قال إنه استلم شبه دولة مفهاش مقومات النهوض والانطلاق لكن هيخليها تنور والبداية الطبيعية طانت اعادة بناء شبكات مش شبكة واحدة طرق ومواصلات ومحاور مروية ضخمة تشق مصر من جنوبها لشمالها وتربط شرقها بغربها طرق زي ماقال الكتاب والنتجية مصر قفزت 100 درجة مرة واحدة في تصنيف الدول في مقياس جودة الطرق على مستوى العالم وجت قبل ألمانيا وامريكا في الترتيب وحصلت على المرتبة 18 بين كل دول العالم حضرتك متخيل حجم الانجاز اللي حصل ان بلدك يكون عندها أقوى شبكات الطرق في العالم أكيد كان ورا ده فلوس اتصرفت وشركات سابقت الزمن عشان تنفذ المشروعات في أوقات قياسية.

طيب الدولة صرفت كام على قطاع النقل؟
وزير النقل كامل الوزيرقالها بشكل رسمي إن الدولة أنفقت على قطاع النقل أكتر من تريليوني جنيه يعني ألفين مليون جنيه لتطوير البنية التحتية واللي كانت السبب في جذب استثمارات بمليارات الدولارات دلوقتي ولسه في المستقبل ولولا البنية التحتية اللي اتعملت كانت مصر هترجع 100 سنة لورا في الظروف العالمية اللي حولينا.. والوزير قال إن الدولة دلوقتي بتستغل البنية الأساسية الكبيرة اللي نفذتها الفترة اللي فاتت من شبكة الطرق والكباري والسكك الحديدية والمواني والكهرباء والاتصالات.
والبنية التحتية اللي تم تنفيذها أهميتها إنه  بتخدم  كل قطاعات الدولة ومن بينها السياحة بشكل أساسي والتجارة، وقطاعات زي الزراعة اللي بتخدمها وزارة النقل من خلال الطرق الجديدة (الضبعة وشرق العوينات) وهي تقوم بخدمة المشروعات الزراعية الجديدة.

والنقل بيخدم قطاع السياحة  بكل الوسائل المتاحة لوزارة النقل لتسهيل حركة السياح من مكان للتاني، بالإضافة إلى حاجته للسكك الحديدية وعربات نوم، إنه مثلا تم التعاقد على 100 عربة في الفترة الماضية وتعاقد تاني على قطار كهربائي سريع يربط ميناء الغردقة وسفاجا بالأقصر.