الإثنين 17 يونيو 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

لو عايز تعرف إجابات لكل الأسئلة اللي دماغك عن قانون التصالح الجديد.. اقرأ هذا التقرير

الأربعاء 22/مايو/2024 - 03:00 ص
مخالفات البناء
مخالفات البناء


 
ملف التصالح في مخالفات البناء واحد من أهم الملفات اللي شغالة بال ناس كتير حظا خصوصا أن الفترة اللي فاتت مصر شهدت مباني كتيرة مخالفة وعلي ارضي زراعية وأغلب الناس دي عايزة تعرف أية وضعها من التصالح وهل هيشملها القانون ولا وضعهم أية... أو عايز تعرف كل اجابات علي كل الأسئلة اللي بتدور في دماغك يبقي شوف الفيديو ده للآخر.
 


من يوم ما البرلمان أقر اللائحة التنفيذية لقانون التصالح في مخالفات البناء وكل الناس اللي بها بيوت أو شقق سكنيه في أراضي مخالفة عايزة تعرف وضعها أية وهيتم التعامل معاها إزاي والرسوم المقررة علي كل متر هتوصل لكام وأسئلة تانية كتيرة .
الأسئلة الطائرة واللي اغلبكم مش عارف اجابتها هنوضحها لكم في الفيديو ده علشان تعرف الدنيا هتمشي معاك ازاي في ملف التصالح في مخالفات البناء.
ملف أسعار التصالح في مخالفات البناء واحد من أهم الأسئلة اللي حاليا بتشغل بال ناس كتير جدا وكل الناس عايزة تعرف هل الأسعار زادت عن الاسعار اللي كانت معلنة قبل كده ولا اية الحكاية، ولكن الدولة أعلنت أن سعر المتر المسطح في حالة قبول طلب التصالح وتقنين الأوضاع أو التظلم هيكون بنفس  الأسعار اللي تم إقرارها وفقا لأحكام القانون رقم 17 لسنة 2019 ومفيش اي تعديلات فيها  .

ناس كتير بروضو بتسال عن طلبات التصالح اللي تم رفضت من قبل وانتهت مدة التظلم المقرر، وهنا الدولة قالت إن المواطنين اللي اترفضت طلبات تصالحهم وتقنين أوضاعهم هيحق لهم التصالح وفقا الأحكام القانون رقم ۱۷ لسنة ۲۰۱۹ ويحق لهم التقدم بطلب التصالح وتقنين الأوضاع وفق أحكام قانون التصالح.
ثالثا سؤال معانا النهاردة عن الناس اللي بتسأل هل هيتم فرض رسوم فحص جديدة عليهم ، وهنا القانون أكد أنه المواطنين هيكون عليهم سداد رسم فحص جديد في حالة رفض الطلب القديم أو انتهاء مدة التظلم المقررة، وفي الحالة دي بس هيكون المواطن ملزم بسداد مقابل جدية التصالح وتقنين الأوضاع المحدد باللائحة أو فرق الرسوم المقررة عليه بعد إجراء طرح ما بين اللي دفعه ورسوم جدية التصالح

رابع سؤال معانا النهاردة عن الناس اللي بتسأل عن نوعية المخالفات اللي يجوز التصالح عليها وهل كل المخالفات يجوز التصالح عليها ولا الأمور بتمشي ازاي، وهنا القانون وضح أن يجوز للمواطنين التقدم بطلب إلى الجهة الإدارية المختصة لاستكمال بناء الدور داخل المبني المتصالح عليه وبنفس الارتفاع فى المخالفات بشرط أن يكون الهيكل الإنشائي للمبنى وأساساته يسمح بتحمل الأعمال المطلوب استكمالها .

اما بقي للناس اللي بتسال عن المستندات اللي لازم تكون موجودة للتصالح علي مخالفات البناء وهنا القانون حددها ولازم تكون بتشمل صورة بطاقة الرقم القومى، والورق اللي ياكد إتمام إجراءات التصالح نموذج رقم ١٠، وتقديم نسختين من الرسومات الهندسية المعمارية والإنشائية تو واحدة منهم ولازم تكون معتمدة من مهندس مقيد بنقابة المهندسين ويكون تخصصه مدنى أو تخصص عمارة ده غير تقديم تقرير هندسي من مهندس متخصص.

واخيرا الناس اللي بتسأل عن اسعار المتر في رسوم التصالح فالقانون حدد أن رسوم مخالفة البناء بدون ترخيص وتجاوز الاشتراطات التخطيطية والبنائية السارية هتوصل ل  ١٠٠% من قيمة المتر المسطح، وبتوصل قيمة مخالفة البناء بدون ترخيص ومطابق للاشتراطات التخطيطية والبنائية السارية ل ٥٠% من قيمة المتر المسطح، و مخالفة الرسومات المعمارية والإنشائية للترخيص وعدد الأدوار ل ٢٥%، ومخالفة الرسومات الإنشائية للترخيص وعدد الأدوار المرخص بها ل۲۰% من قيمة المتر، وكمان القانون سهل علي المواطنين لإمكانية تقسيط رسوم التصالح علي اقساط ربع سنوى متساوية بفائدة تقسيط طبقا لسعر الائتمان .