الإثنين 17 يونيو 2024
رئيس التحرير
عمرو عامر
المشرف العام
عبدالعظيم حشيش
شمول مالي

لو ملكش في الكاش.. اعرف أنواع البطاقات البنكية..وإيه الفرق بينهم؟

الأحد 14/أبريل/2024 - 12:03 ص
الكاش
الكاش

 

من بداية 2020 ولحد دلوقتي فيه زيادة كبيرة جدا فى استخدام المواطنين للبطاقات الائتمانية وتقليل تداول الكاش والاعتماد على المدفوعات الالكترونية، وسداد المستحقات الحكومية أو شراء احتياجاتهم اليومية، وده ظهر بوضوح  في ارتفاع معدلات إصدار البنوك للبطاقات البنكية بأنواعها المختلفة من البطاقات الائتمانية، أوبطاقات الخصم والبطاقات المدفوعة مقدما... بس يا ترى إيه هي أبرز الفروق بين البطاقات دي كلها ؟ واية أهم الاستخدامات اللى ممكن تقوم بيها من خلال كل بطاقة؟

 

ببساطة كدا.. البطاقات البنكية دي عبارة عن بطاقات بلاستيكية ليها أحجام متساوية ومواصفات فنية عالمية متفق عليها علشان يصعب تزويرها.

وأول نوع هانتكلم عنه هى بطاقات الـ prepaid card.. بطاقات المدفوع مقدمًا..  وأنت تقدر يكون معاك الكارت دا من غير ما يكون ليك حساب فى البنك ومن غير أى ضمانة، لأنه كارت بيكون فاضي، مافيهوش رصيد.. أنت اللى بتشحن فيه رصيد، وبتقدر تستخدمه سواء أنك تودع فيه أو تسحب منه فلوس تاني أو تستخدمه عن طريق نقاط البيع.. أو تستخدمه عن طريق الإنترنت.. والكارت دا بيفضله معظم الناس للشراء عبر الإنترنت بدل من استخدام حساباته الشخصية.

وتاني نوع هي بطاقات الـ Debit card.. بطاقات الخصم المباشر.. وهنا أنت بتقوم بالسحب والتعامل على حسابك الشخصي.. سواء كان حساب جاري أو توفير، أو تستخدمها فى أنك تقوم بسحب عوائد شهادات الإدخار.. وتقدر تستخدمه فى السحب أو الإيداع أو فى حركات المشترييات فى السلاسل التجارية.

نيجي لبطاقة الـ Credit Card.. أو بطاقة الائتمان.. وهي عبارة عن حد ائتماني بيمنحه ليك البنك أو بيديلك مبلغ معين فى الكارت دا.. وأنت بتقدر تستخدمه بس الاستخدام يكون فى حدود المبلغ اللى البنك مديهولك، واستعماله بيكون فى حركات السحب الكاش أو المشتريات أو أنك تشتري أون لاين.. ومعظم البنوك بتمنحك الكارت بضمان وظيفتك أو عضويتك فى نادي.

وآخر بطاقة معانا.. هي بطاقة الـ payroll card.. أو بطاقات المرتبات.. ودي اللى بيتم إصدارها للموظفين فى المؤسسات الحكومية أو الشركات الخاصة وبيقتصر استخدامها على صرف المرتب فقط من ماكينات الـ atm.