الأربعاء 17 أبريل 2024
رئيس التحرير
عمرو عامر
المشرف العام
عبدالعظيم حشيش
تحليل

نهاية زمن السوق السوداء.. ضربات السيسي جابت من الآخر

الأربعاء 20/مارس/2024 - 03:40 ص
الدولار
الدولار

 
في الأيام الأخيرة اختفت تماما المضاربات على الدولار في السوق السودا ومبقاش فيه أي نشاط ملحوظ لتجار العملة ولا المضاربين وده بعد الضربات القوية اللى نفذتها الدولة واستهدفت من خلالها وضع حد لجنون الدولار واللى خلا سعر العملة الأمريكية يوصل لمستويات فوق ال 70 جنيه .. فيا ترى ايه اللى بيحصل في كواليس سوق صرف العملات ؟ وسعر الدولار رايح على فين بعد كمية الدولار الكبيرة اللى تم ضخها في البنوك مؤخرا؟ وازاى الدولة ممكن تتعلم الدرس وتستفاد من اللى حصل في 2016؟ 
 
لما بيكون فيه نقص في العملة الجنبية طبيعى بتنشط السوق السودا وبيظهر المضاربين وبتتحل العملات الى سلع وعشان كده الدولة لما فمرت تقضى على السوق السودا للدولار اتعاملت مع المرض مش العرض والمرضح هو شح الدولار وعشان كده اتحركت الحكومة في اتجاه توفير سيولة دولارية تمكن الدولة من تحرير سعر الصرف الجنيه وفقا لأليات العرض والطلب وتحركات الحكومة تمت بتكليفات واشراف مباشر من الرئيس السيسي اللى قدر يوفى بوعده وينهى على وجود أكتر من سعر للدولار في مصر. 
طب ازاى ده حصل ؟
بص يا سيدي في اقل من شهر مصضر حصدت ما يقرب من 53 مليار دولار هيدخلوا خزينة الدولة وهيتم استخدامهم لحل أزمة نقص العملة 
حد هيسال ويقول الفلوس دي كلها جت منين؟ 
الحكاية كلها بدأت بإعلان رئيس الوزراء الدكتور مصطفى مدبولى عن توقيع اتفاقية شراكة ضخمة مع الجانب الاماراتي تخطت ال 35 مليار دولار هتحصل عليهم مصر خلال شهرين على اقصى تقدير وفعلا الحكومة تسلمت اول دفعة من الصفقة بقيمة 10 مليار دولار وهتستلم الباقي خلال الأيام الجاية 
وفيه كمان 8 مليار دولار هتحصل عليهم مصر من صندوق النقد الدولى بعد ماتم رفع قيمة البرنامج الاتمويلى من 3 الى 8 مليار دولار 
كمان الاتحاد الأوربي أعلن عن تقديم حزمة مساعدات لمصر هتوصل الى 8 مليار دولار وده بعد ما رفع حجم علاقاته مع مصر الى الشراكة الاستراتيجية وده نوع من العلاقات هيخلى أوروبا كلها تيجي تستثمر عندك في مصر والاستثمارات الأجنبية المباشرة هتوصل لأرقام غير مسبوقة 
فيه كمان 6 مليار دولار أعلن البنك الدولى عن منحهم لمصر 3 منهم دعم للحكومة و3 لتمكين القطاع الخاص بالإضافة كمان لحوالي 1 ونص مليار دولار من صندوق الاستدامة البيئية التابع لصندوق النقد الدولي 
أيوه يعنى كده سعر الدولار هينخفض لكام ؟
وفقا لتوقعات خبراء اقتصاد فالسعر العادل للدولار بيتراوح ما بين 40 الى 45 جنيه وده السعر اللى هيلعب فيه الدولار الفترة الجاية ولوحصلت إجراءات تانية من الحكومة ممكن كمان السعر ينزل عن كده شوية حلوين بس مهم الدولة تستفيد من سيناريو التعويم في 2016 وتتبنى خطة لزيادة الإنتاج والتصدير لأن دول هما الحل الوحيد لإنقاذ مص من أزمة شح العملة بصورة نهائية ومستدامة