لو ليك في البيزنس والاستثمار المضمون.. إزاي تقدر تحقق أعلى مكسب في أقل مدة

شهادات الادخار اللي بتطرحها البنوك واحدة من اهم وسائل الاستثمار الأمن في الوقت الحالين خصوصا ان السوق عندنا هنا في مصر مش مضبوط وبيعاني من تقلبات شديدة بسبب التغيرات اللي بتحصل في سعر الصرف، ده غير شهادات العائد المتغير اللي بتطرحها البنوك للعملاء اللي مش بتحب تحط فلوسها في البنوك فترات طلوية.. يا تري اية حكاية الشهادات دي ومكسبها كام وازاي اقدر اشتريها

التقلبات اللي حصلت في سوق الاستثمار في مصر، خلت الناس كلها عندها تخوف من الدخول في اي مشروعات او استثمارات خصوصا ان الاسعار في مصر مربوطة بنسبة كبيرة بسعر الدولار في السوق السودا، وخلت الناس تسحب حسابتها كام مرة قبل ما تدخل في اي مشروع، وبعد ما تحسب وتحط خطة العمل بتاعتك وتعمل دراسة الجدول تلاقي الاسعار كلها اختلفت تاني، والمشروع بتاعتك غالبا بيبوظ.
في ناس تانية من اللي بتخاف من الاستثمار في الدخول في مشروعات بتلجا للذهب خصوصا ان معروف عنه انه زينة وخزينة، وفي مكسب مضمون وعلي طول في الطالع وعمرة ما خسر، لكن في الفترة اللي فاتت وبعد قرار البنك المركزي بتحرير سعر الجنية بشكل كامل قدام الدولار، خلت الذهب سعره وقع بشكل كبير خصوصا ان سعر جرام الذهب عيار 21 والمعروف انه الاكثر انتشارا في الاسواق وصل لـ4000 جنيه، وحاليا سعره تحت الـ3000 جنيه يعني خسارة اكثر من 1000 جنيه، وبقت شهادات الادخار في الوقت الحالي هي الحل الأمن والبعيد عن كل المخاطر، واللي يشتري الشهادة عارف هيكسب كام، وهيصرفهم امتي لا مستني الاسعار ترفع ولا تنزل.
في طايفة ثالثة من الناس بتحبط تمسط العصاية من النص، يعني بتحط فلوسها في شهادات الأدخار ولكن في شهادات الادخار ذات العائد المتغير ودي وسيلة ادخار متوسطة الأجل يعني هتوفر لهم عائد شهري أو ربع سنوي.
شهادات العائد المتغير بقت في الوقت الحالي بتجذب اهتمامات شريحة كبيرة من الناس وعملاء البنوك بسبب ارتفاع نسب عوائدها مقارنة بالأوعية التانية خصوصا انها مرتبطة بسعر إيداع البنك المركزى المصرى الكوريدور  واللي حاليا بيسجل حالياً 27.25، ده غير انها بتوفير عائد متغير تنافسى وبتلبى احتياجات العملاء وبتقديم دوريات صرف متنوعة يومى وشهرى وربع سنوى ونصف سنوى وسنوى، يعني أن لو ربطتَ شهادة بمبلغ 100 ألف جنيه، وكان عائد الشهادة المتغيرة 28.25%، هتاخذ 28.250 ألف جنيه سنوياً، وعلى مدار 3 سنوات هتاخذ ما يقارب 84.75 ألف جنيه.
طيب اية هيا ابرز شهادات العائد المتغير اللي بتقدمها البنوك؟.
كل البنوك اللي موجودة حاليا في مصر بتقدم شهادات العائد المتغير وابرزها البنك الأهلى المصرى واللي بيقدم الشهادة البلاتينية الثلاثية بعائد متغير 27.50% يصرف ربع سنوى وبحد أدنى لربط الشهادة 1000 جنيه.
وبنك بنك مصر اعلن عن تقديم شهادة الادخار الثلاثية ذات العائد المتغير بعائد ربع سنوى يصل إلى 27.50%‎، وبحد أدنى لربط الشهادة 1000 جنيه ، ويقدم أيضاُ شهادة بعائد متغير يومياً بحد أدنى 500 جنيه، وممكن للمواطن انه يسترد قيمة الشهادة أو جزء منها بعد مرور 6 أشهر من تاريخ إصدار الشهادة.
اما بنك بنك الكويت الوطنى مصر فقدم أعلى عائد على الشهادات المتغيرة بواقع 28.25% يصرف ربع سنوي ولمدة 3 سنوات وبحد أدنى لربط الشهادة 1000 جنيه.