رعب فى السوق السوداء للدولار بعد صفقة الحكومة الكبرى

فيه حالة من حالات الرعب بتعيشها السوق السودا للدولار فى مصر بعد الاعلان عن تفاصيل صفقة الحكومة الكبرى واللى بتتضمن استثمارات أجنبية مباشرة بمليارات الدولارات .. فيا ترى ايه الصفقة دي ؟ وايه تأثيرها على السوق الموازية لصرف العملات الأجنبية؟ وهل كده أسعار الدولار هتنزل ولا هتستقر ؟ وايه موقف التعويم؟
                                                     

  من شوية أعلن أعلن مجلس الوزراء موافقته على أكبر صفقة استثمار مباشر من خلال شراكة استثمارية مع كيانات كبرى في ضوء جهود الدولة حاليًا لجذب الاستثمار الأجنبي المباشر، وزيادة موارد الدولة من النقد الأجنبي.  
وأكد الدكتور مصطفى مدبولي رئيس مجلس بأن الصفقة الاستثمارية الكبرى اللى بتتم بشراكة مع كيانات كبرى، هتحقق مستهدفات الدولة في التنمية اللى حددها المُخطط الاستراتيجي القومي للتنمية العمرانية وقال ان  الصفقة دي بداية لعدة صفقات استثمارية بتعمل الحكومة عليها حاليًا لزيادة موارد الدولة من العملة الصعبة.

وقال انه هيتم إعلان تفاصيل الصفقة كاملة، مع توقيع الاتفاقيات الخاصة بيها، واكد أن نجاح الحكومة في جذب استثمارات أجنبية ضخمة بيأكد ثقة الكيانات الاستثمارية الكبرى في الاقتصاد المصري وقدرته على تخطي التحديات.
ووفقا لرئيس الحكومة فالمشروعات اللى هتنتج عن الصفقة هتوفر مئات الآلاف من فرص العمل وهتسهم في إحداث انتعاشة اقتصادية وكمان  مشاركة مختلف الشركات والمصانع المصرية في المشروعات المُنفذة ومزايا كتيرة  متعددة للدولة المصرية.
وطبعا صفقة ضخمة زي كده هتوفر من سيولة نقدية كبيرة من العملة الصعبة وهتساهم في استقرار سوق النقد الأجنبي وتحسين الوضع الاقتصادي وده بالتزامن مع عمل الحكومة حاليًا على إنهاء الاتفاق مع صندوق النقد الدولي، ةالاستمرار في إجراءاتها اللى أقرتها وثيقة سياسة ملكية الدولة من حيث تمكين القطاع الخاص، وزيادة فرص مشاركته في القطاعات التنموية.
طب ايه تأثير الصفقة دي على السوق السودا للدولار ؟
لازم نكون عارفين ان اى اخبار ايجابية عن قدرة مصر علىتوفير عملة صعبة بيكون ليها تاثير قوى جدا على سوق صرف العملات الأجنبية وكفاية تعرف ان من كام يوم لما طلع كلام غير رسمي عن الصفقة اللى اعلنت عنها الحكومة النهاردة الدولار فقد 20% من مكاسبه فما بالك بقا بعد الاعلان الرسمي عن الصفقة ايه اللى ممكن يحصل فى السوق 
وعشان كده الناس اللى معاها دولار وتجار العملة اللى اشتروا الدولار بارقام ضخمة قاعدين مرعوبين لأن الدولار هيرتاجع بقوة فى الكام يوم الجايين مع الاعلان عن باقس الصفقات وكمان مع الاعلان عن التوصل لاتفاق مع صندوق النقد على زيادة قيمة القرض المقدم لمصر من 3 الى حوالى 12 مليار دولار