القصة الكاملة لموعد انتهاء خطة تخفيف الاحمال في قطع الكهرباء

كل الناس بتسال حاليا عن موعد انتهاء ازمة تخفيف الأحمال في موضوع قطع الكهرباء وامتي هتنتهي الازمة دي خصوصا اننا داخلين علي شهر رمضان واللي بيشتهر بالروحانيات واقامة الصلوات وصلاة التراويح.. يا تري الدنيا هتكون عاملة ازاي في شهر رمضان في موضوع تخفيف الاحمال.. وامتي الازمة دي هتنتهي.
 

في  البداية علشان نكون عارفين ان ازمة تخفيف الأحمال خارجة عن ارادة الدولة المصرية بسبب انخفاض وارتفاع تكلفة ورادات المازوت اللي بستورده من برا علشان تشغيل محطات توليد الكهرباء واللي سعره ارتفع بشكل رهيب في الفترة اللي فاتت خصوصا بعجد اندلاع الازمة الروسية الأوكرانية والحرب الاسرائيلية علي قطاع غزة، ولحد اللحظة دي مفيش اي معياد محدد لانتهاءها الا بزيادة نسبة الوقود اللي بنستورها من الخارج لتشغيل محطات توليد الوقود.

طيب اية هيا جداول تخفيف الأحمال اللي شغالين بيها في الوقت الحالي؟.
جدول تخفيف الأحمال المطبق حاليا يببدأ العمل به من الساعة 11 صباحا وحتي الساعة 5 مساءا، والتخفيف بيكون لمدة ساعتين علي كل منطقة لمدة 3 فترات متتالية الأولي منهم بتبدأ من 11 صباحا الي 1 ظهرا والثانية من 1 ظهرا الي 3 عصرا والثالثة من 3 عصرا الي 5 مساءا، وبيكون التناوب بين المناطق في قطع الكهرباء بالتتابع، وجايز يكون قطاع الكهرباء عندك يكون متوافق مع قطع الكهرباء في مدينة أو مكان ثاني، ولو زادت عن كده هيكون بسبب عطل كهربائي في المحولات او الاسلاك او اي اعطال ثانية بخلاف تخفيف الأحمال.
طيب اكيد في ناس بتسأل وبتقول ليه في اماكن الكهرباء مش بتقطع فيها وبتقطع عندنا احنا؟.
خطة تخفيف الأحمال بوزارة الكهرباء والطاقة المتجددة استثنت المناطق الحيوية والسياحية والمناطق اللي فيها مستشفيات ومراكز واقسام الشرطة من قطع الكهرباء بالاضافة الي المناطق الاستراتيجية التابعة للقوات المسلحة وغيرها من الأماكن والوزارات والمنشأت الخدمية للدولة، واللي لازم تكون الكهرباء موجودة فيها بشكل مستمر، علشان كده اكيد هتلاقي بيوت موجود علي المحولات الموجود عليها الاماكن مش بتقطع فيها الكهرباء بسبب استثناء المحولات اللي بتغذيها من خطة تخفيف الأحمال.

هل عندنا او في معياد محدد لانتهاء خطة تخفيف الاحمال خصوصا اننا في فصل الشتاء؟.
لحد اللحظة اللي احنا مع حضراتكم فيها دي مفيش اي ميعاد محدد لانتهاء خطة تخفيف الاحمال علي الشبكة القومية للكهرباء، والأزمة متوقفة بشكل كامل علي توفير امدادات محطات توليد الكهرباء بالوقود والمازوت اللازم لتشغيلها، وبدون ما ده يحصل هتفضل الأزمة موجودة ومكملة معانا، ووزارة الكهرباء والطاقة المتجددة طالبت للمواطنين بترشيد الاستهلاك في الاستخدام الكهربائي واستخدام الأجهزة واللمبات الموفرة لتوفير الاستهلاك وبالتالي انتهاةالاظمة بدون زيادة ورادات الوقود اللي بنستورها من الخارج بالدولار لسد النقص المحلي في الاستهلاك.

طيب اية اخبار قطع الكهرباء في شهر رمضان ؟.
الخطة المقترحة من وزارة الكهرباء والطاقة المتجددة خلال شهر رمضان بتنص علي بداية فترة تحقيق الاحمال في الفترة من  الصبح ولحد قبل الفطار، علشان الأسر المصرية يقدروا يمارسوا الروحانيات بشكل طبيعي ويصلوا القيام والتراويح بكل راحة وبدون اي قطع الكهرباء أثناء أداء الصلوات، وتم ن فرصة للأسر المصرية أنهم يجتمعوا عليةوجبات الافطار في النور وميكنش في تخفيف أحمال خلال ساعات الافطار.