الحق فلوسك قبل فوات الأوان.. أفضل 5 طرق لاستثمار مدخراتك

لو معاك فلوس شايلها في البيت أو حاططها تحت البلاطة لازم تلحقها بسرعة وتحطها في اي استثمار وده لان قيمة الجنيه بتتراجع والحاجة اللى كان ممكن تشتريها بالف جنيه من سنتين حاليا ب ١٠ آلاف وب ١٥ الف كمان.. فلو معاك قرشين فكر ازاي تستثمرهم وتحافظ على قيمتهم بدل ما فجأة تلاقيهم ما يشتروش حاجة وقيمتهم كل شوية بتقل.. طب ازاي تستثمر فلوسك ؟ وايه أفضل استثمار مربح في مصر؟ وهل الدهب أفضل ولا شهادات الاستثمار؟ .. في الفيديو ده هنقولك ازاي تحافظ على فلوسك وايه أفضل استثمار يناسبك
 

 
في آخر سنتين التضخم مبوظ الدنيا على الآخر وقيمة الفلوس بتقل بشكل ملحوظ وعشان كده لازم تفكر في طريقة تحافظ فيها على فلوسك وتلحقها قبل فوات الأوان 
حد هيسأل ويقول استثمر فلوسي في ايه؟
بص عندك اكتر من حاجة ممكن تحط فيها فلوسك عندك الدهب وشهادات الاستثمار والعقارات واكون الخزانة وكلها مجالات بتحقق أرباح كبيرة وهتحافظ على قيمة فلوسك
طب ازاي اعرف اكتر مجال مناسب ليا؟
بص لو معاك مبلغ ومش محتاجه لمدة سنة مثلا تقدر تشترى بيه دهب وتشيلوا وبعد السنة هتكسب فيه وتقدر تحسب اسعار الدهب من ستة والأسعار دلوقتي عشان تعرف اللى اشتروا دهب كسبوا كام 
كمانةالدهب فيه ميزة انك لو اتزنقت تقدر تسيلوا وتبيعوا في اي وقت بس خد بالك لازم تحتفظ بيه فترة طويلة لو عاوز تكسب من وراه 
وامتى شهادات البنك تكون مناسبة؟ 
شهادات الاستثمار وعاء ادخار مهم وبتحقق أرباح ضخمة وحاليا فيه شهادة ال ٢٧ % اللي بتحققلك ربح مضمون والشهادة مناسبة اكتر للناس اللي معاها فلوس وعاوزة دخل شهرى مصاريف مدارس أو أقساط أو غيرها وكمان ممكن تاخد المبلغ مجمع في نهاية مدة الشهادة
طب والعقارات؟ 
العقارات هي كمان استثمار مضمون جدا ومربح بس هي بتبقا تقيلة شوية في بيعها وممكن تاخد عقار وترجعوا ويجيلك منه دخل شهري 
المهم في الاخر انك ما تسبش فلوسك في البيت لأنها هتخسر وعمرها ما هتكسب خالص وتخسر شقا عمرك