أكثر من 20 مليار جنيه في ساعات ولسه البنوك مفتحتش.. مبيعات قياسية لشهادات الـ27%
في مفاجأة هيا الأكبر في 2024، البنك الاهلي المصري وبنك مصر حققوا 20 مليار جنيه في 48 ساعة بس من طرح شهادة ادخار طلعت حرب 27% و 23.5% في وقت البنوك كانت في فترة الإجازات ومع بدء التشغيل الرسمي للبنوك بعد انتهاء فترة إجازة اعياد الميلاد متوقع يكون فيه هجوم كبير علي فروع البنوك المنتشرة في جميع أنحاء الجمهورية لشراء الشهادات لو عايز تعرف المستهدف من الشهادات والموعد النهائي لإيقاف التعامل عليهم شوق الفيديو ده للآخر .
ضربة كبيرة من البنك الاهلي وبنك مصر لقطاعات الذهب والعقارات بالاعلان عن طرح شهادات ادخار طلعت حرب بنسبة 27% و23.5% واللي قدرت تحقق في 48 ساعة بس 20 مليار جنيه في وقت الإجازات من خلال الإنترنت البنكي ومتوقع توصل الي 700 مليار جنيه مع عودة التشغيل الفعلي للبنوك بعد انتهاء اجازات اعياد الميلاد.
مصادر مصرفية اكدت ل بانكير أن مفيش معاد معلن لوقف بيع الشهادات الجديدة، ونصحوا العملاء بسرعة الاستتثمار في الشهادات الجديدة خاصة أنه بتمثل اعلي فايدة وربح مضمون أكثر من الذهب اللي بتغير من لحظة للثانية واعتبرها فرصة العمر للاستثمار الحقيقي للأموال .
المصادر وضحت ل بانكير طرق شراء شهادات الادخار الجديدة "طلعت حرب" بعائد 27% بيصرف سنوياً و 23.5% للصرف الشهري، من خلال 3 طرق أولهم الإنترنت البنكي أو من خلال تطبيق الموبايل البنكي الخاص ببنك مصر بي ام اون لاين واللى يقدر اي حد ينزله من على جوجل بلاي او الأي او اس وتشتري واحدة من الشهادتين وانت في بيتك ومن غير ما تكون مضطر تروح البنك ولا تقف في طوابير ولا تاخد رقم وتستنى دورك .
الطريقة الثانية لو عايز تحلق تشتري واحدة من الشهادتين هيا أن تروح فرع من فروع البنك اللى بيصل عددها إلى أكتر من 800 فرع ووحدة مصرفية منتشرة بجميع أنحاء الجمهورية ابتداءا من 8 يناير 2024 .
المصادر وجهت من خلالنا نصيحة غالية للناس اللي بتدور علي الربح المضمون من غير ما يصرفوا ولا مليم ولا يدفعوا ايجارات ولا ضرايب ولا فواتير مياه ولا كهربا ولا مرتبات موظفين ولا غيره من خلال شراء شهادات الادخار طلعت حرب ويستفيدوا من ربح مضمون من غير اي مخاطر .
