الجرام هيوصل 3 الاف.. ايه اللي بيحصل في سوق الدهب

إيه اللي بيحصل في سوق الدهب وهل حقيقي الجرام هيعدي الـ3 الاف جنيه في الأيام الجاية وإيه سر الخوف اللي في محلات الصاغة وهل دا وقت الاستثمار في المعدن الأصفر.

أسعار الدهب على مدار الأسابيع اللي فاتت كانت مستقرة وبتنزل كمان قبل مايعاود المعدن الأصفر مرحة الصعود في الأسعار وفي اخر 24 ساعة زاد سعر الجرام حوالي 25 جنيه، وفي توقعات إن الدهب هيرفع الأيام الجاية.,

خلونا في الأول نعرف سعر الدهب في العادة بيرفع ليه... أول حاجة بيخاف منها الدهب وسعره بيزيد هو تقلب سعر صرف الدولار ونشاط السوق السوداء، ودا لأن شح الدولار معناه إجراءات حكومية استثنائية ودا بيخلق حالة من الاضطراب والاقبال على الدهب باعتباره ملاذ أآمن ضد أي تعويم ممكن يحصل وانخفاض قيمة الجنيه، ودا لأن جزء كبير من أزمة العملة الأمريكية متعلقة بالخلاف على قرار تحرير سعر صرف الجنيه ودا كان المشكلة مع صندوق النقد ورغم رفض الحكومة للتعويم في الوقت الحالي لكن فيع توقعات بتقول إن قرار التعويم شر لابد منه عشان الصندوق يوافق على القروض وفي نفس الوقت جذب الاستثمارات الأجنبية والعربية للسوق ومتوقع تكون بأراقام كبيرة لأن سعر العملة المحلية المنخفض من أكتر عوامل الجذب للمستثمرين لان دا ببساطة بيضاعف أرباحهم.

كمان الدهب سعره بيزيد عالميا ومحليا طبعا بسبب أي توتر سياسي او عسكري كبير زي اللي حاصل كده في غزة وتأثر أسواق الأسهم النفط والدهب عالميا باللي بيحصل، وخبراء الصاغة شايفين إن الحرب في غزة هعزز حالة الضبابية وانعدام اليقين الاقتصادي في الأسواق، وسط توقعات بمواصلة ارتفاع أسعار الدهب.

وارتفعت أسعار الذهب في الصاغة المصرية السبت، بقيمة 25 جنيها في الجرام، وسجل سعر الجرام عيار 21 في بداية التعاملات مستوى 2335 جنيهاً (75.61 دولار) واختتم العيار الأكثر شعبية في البلاد عند مستوى 2360 جنيهاً (76.42 دولار) على رغم العطلة الأسبوعية للبورصة العالمية، ودا مؤشر إلى عوامل محلية وراء ارتفاع سعر المعدن النفيس.

رسميا شعبة الدهب فسرت ارتفاع الأسعار الأخير مندهشاً من ارتفاع سعر المعدن الأصفر في السوق المصرية، 
إنه بسبب الحرب وقيام المستثمرين بالتحوط بالمعدن المعروف تاريخيا بانه ملاذ آمن في فترات الكوارث الاقتصادية، واتوقعت مواصلة ارتفاع أسعار الدهب في البورصة العالمية، طالما استمرت التوترات الجيوسياسية تلقي بظلالها على الأسواق، لكن مسئولي الشعبة استبعدو وصول سعر الدهم عيار 21 ل3 الأف جنيه ودا لأن الأسواق مدخلتش مرحلة ذروة الأزمة العالمية الناتجة عن الصراع في الشرق الأوسط ودا بسبب التوقعات بانتهاء الصراع خلال أسبوعين وجهود التهدئة والوساطة بين الطرفين.

وفيه رأي تاني بيأكد إن ارتفاع أسعار الذهب بسبب قرارات البنوك القاضية بوقف التعامل ببطاقات الخصم المباشر في الخارج، واللجوء للذهب للتحوط من المخاطر ، وفي نفس الوقت خبراء الدهب بينصحوا اللي معاهد دهب دلوقتي يستنى لذروة الارتفاع ويبدأ يبيع لو شايلة عشان يكسب فيه.