البصل كشف اللعبة.. صناعة سوق سوداء جديدة في شوادر الخضار

مين ورا إرتفاع أسعار البصل والطماطم وكل الخضار في الفترة الأخيرة وقبل منهم جنون أسعار الدهب والدولار ؟
مين هدفه البلد تتخرب ويصدر صورة سوده للناس، ومين استغل الأزمات وصنع وداس على الغلابة عشان يجمع فلوس ودولارت ومفكرش في الشعب ؟
وفين الرقابة والدولة وحماية المستهلك من اللي بيحصل في السوق واللي بيعمله التجار ؟
كل دا هنعرفه مع حضراتكم في الفيديو دا ف تابعو معانا للأخر.

في الأيام الأخيرة السوشيال ميديا والأسواق و الإعلام والعالم كله بيتكلم عن أزمة البصل اللي بيشهدها السوق المصري واللي تخطي الكيلو فيها سعر ال 30 جنيه بعد ما كان بيتباع في الأسواق المصرية بأقل من 5 جنية وبعد ما الناس كانت بتشتري البصل وتخزن بقت بتشتري بالنص كيلو.

من ساعات قليلة انتشر بوست على مواقع التواصل الإجتماعي بيوضح أن سعر البصل المصري في الإمارات أقل من سعر البصل المصري في البلد بأكثر من 13 جنية ودا بيوضح أن المشكلة في التجار المصريين اللي بيأكلوا في المواطن الغلبان وهدفهم بس يجمعوا فلوس، المصيبة الأكبر لما علق المصريين المقيمين في السعودية وقالوا أنه سعره هناك ب 2 ريال يعني حوالي بس 16 جنية وهنا في البلد 30 جنية .. المنشور لاقي تفاعل رهيب وحزن من كل الناس بعد صدمتهم الكبيرة وطبعا كان معاهم حق والدليل هنوضحهولك.

إحنا هنا في بانكير هنقدم لـ حضرتك تحليل وأرقام هتكتشف من خلالها إن أزمة البصل اللي حصلت زيها زي غيرها من الأزمات كان وراها تجار سوق سودة وأشخاص هدفهم البلد تقع والشعب يجوع ويثور على النظام، ومنهم اللي استغل الأمر وزاد ومنهم اللي خزن البصل عنده عشان السوق يعطش والناس تبدأ تتكلم والاعلام المعادي ودا اللي حصل.

في 6 سبتمبر 2022 وزي اليومين دول بالظبط من سنة صدر تقرير من الحجر الزراعي المصري أكد أن إجمالي صادرات البصل بلغت280 ألف و498 طن بصل موضح أن البصل بيحتل المركز الثالث من إجمالي الصادرات الزراعية خلال الفترة من أول يناير 2022 وحتى 24 أغسطس 2022 بلغت حوالي 4 مليون و491 ألف و99 طن من المنتجات الزراعية.

وأكد وقتها الدكتور عبد المجيد مبروك أبو دهب رئيس قسم بحوث البصل بمعهد بحوث المحاصيل الحقلية فى تصريحات صحفية أن البصل المصري بيتم تصديره لاكتر من 30 دولة أوربية ومعظم الدول العربية، وكمان أن مصر فى الترتيب الرابع عالميا في إنتاج البصل بعد كل من الصين والهند وامريكا،  ووضح من أهم الدول المستوردة للبصل المصري الطازج هي روسيا و السعودية والكويت وهولندا سوريا و الأردن و المملكة المتحدة وليبيا ولبنان و العراق والأمارات وايطاليا واسبانيا والبصل المجفف هولندا والمانيا واليابان و كرواتيا.

تخيل عزيزي المشاهد دولة بتنتج أكتر من تلاتة مليون طن سنويا وعندها فائض كبير من البصل لدرجة أنها بتصدر .. أيون بتصدر أكتر من 500 ألف طن وباقي الكمية كلها بتتوزع من شهور تتحول لأزمة كبيرة في الوقت الحالي.

كل كلام العقل والتحليلات الصحيحة بتأكد أن أزمة البصل والطماطم وارتفاع الأسعار كلها كانت أزمات مصنوعة هدفها بس التخريب ومحاولة إثبات فشل النظام ودا اللي عمله التجار وغيرهم ومن قبلها شوفنا أزمة الدولار واللي قدر البنك المركزي يوقف فيها وقفةصارمة ومن بعدها مافيا الدهب وغيرهم.

طبعا في كل الأزمات الضحية بيكون واحد بس وهو المواطن الغلبان عشان كدا الأيام الحالية والايام الجاية مش عايزة غير رقابة وبذل مجهودات كبيرة من كل المسؤولين عشان نقدر نعدي بالبلد ومنقعش زي غيرنا ما وقع وانهار.