هاتفك زنقتك بمشوار لحد البنك.. أعرف التفاصيل من هنا
لو أنت عايز قرشين تفك زنقتك حلك عندنا..لو دخلك بسيط ومش عارف تاخد قرض من البنك ازاي حلك عندنا..لو أنت موظف وعايز مبلغ تشتري بيه حاجة ركز معانا في الكلام دا
يا عم ماتشيلش الهم.. وتفضل شايل طاجن ستك فوق دماغك زي ما بيقولوا..
القرشين اللي أنت مزنوق فيهم.. هانقولك تتصرف فيهم منين.. وتعمل اية
أنا عارفة أن الناس خايفة من القروض.. بس في بنوك بقى بتديك قروض على فترات زمنية طويلة.. وكدا كدا الأقساط بتتاخد بنسبة لا تتجاوز ال ٥٠٪ من مرتبك.
أولا لازم تعرف.. أن البنوك بتقدم قروض شخصية للموظفين بتيسيرات كبيرة واسعار فائدة تنافسي.
طبعا حضراتكم عارفين أن البنك المركزي المصري الخميس الماضي بالابقاء على أسعار الفائدة دون تغيير ودي حاجة كويسة لكل اللي عندهم رغبة في أخذ قروض شخصية.. يعني تقدر تقول مش هاتدفع دم قلبك في الفوايد.
وفي قروض للموظفين اسمهها قروض لفك الزنقة.. بمعنى أن البنك هايديك قرشين علشان تفك زنقتك.. وتدفع اللي عليك لو عليك ديون.
هانبدأ مع حضراتكم بقرض بنك قناة السويس. واللي قيمة القرض فيه بتوصل ل ٢ مليون جنيه.. ودا تقدر تسدده على ١٠ سنين.. ودي طبعا فترة طويلة ومناسبة أنك تسدد فيهم القرض براحتك.
القرض دا مش لازم دخلك يكون ١٠ آلاف و ١٥ ألف علشان تستلمه.. لأ.. دا أنت لو دخلك 1500 جنيه هاتستلمه برضوا.. ودا طبعا في حالة تحويل الراتب من خلال تتفاقم مع المكان اللي أنت شغال فيه.
وفي البنك التجاري الدولي تقدر برضوا تاخد قرض الموظف واللي بيصل قيمته ل 3 ملايين جنيه.. وبرضوا بيكون بضمان الراتب.. يعني لازم يكون معاك في مشوار البنك مفردات المرتب والبطاقة والأوراق التانية اللي ممكن يطلبها منك البنك.
وفي كمان قرض الموظف من المصرف المتحد. واللي قيمته بتوصل ل ٢ مليون جنيه .. والحد الأدنى للدخل علشان تستلم القرض دا هو 2500 جنيه في حال التحويل الرابت.. أو ٤ آلاف في حال عدم التحويل.. ودا هاتسدده على ٧ سنين.
كمان في قرض الموظف من بنك الإسكندرية.. واللي بتصل قيمته ل 5 ملايين جنيه.. وفترة السداد بتصل ل 12 سنة.. بس لازم الحد الأدنى للدخل الشهري يكون ألف جنيه.
أخيرا في قرض ممتاز بيقدمه البنك الأهلي المصري.. ودا قيمته بتصل ل 2.5 مليون جنيه وبيكون بضمان تحويل المرتب.. لكن لازم تسدده على 10 سنين.. بشرط أن الحد الأدنى للدخل الشهري يكون ألف جنيه.
القروض دي ميسرة ودخلك مش لازم يكون عالي.. بس الأهم أن يكون دخلك كويس علشان لما تدفع الأقساط ماتتأثرش على مستوى المصاريف الخاصة بيك.
القروض دي كمان متاحة للعاملين في القطاع الحكومي والخاص.. ظبط أمورك بقى واستعد لمشوار البنك.
