فكرة بسيطة دخل لمصر 16 مليار دولار في السنة
في دكتور مشهور ومهم في تخصصه.. اسمه الدكتور أسامة حمدي.. وهو أستاذ الباطنة والسكر بجامعة هارفرد،
الدكتور أسامة حمدي.. قدم فكرة أو خلينا نقول مقترح وقال إن الفكرة دي لو اتنفذت هاتدخل مصر 16 مليار دولار.
والفكرة دي عبارة عن إن مصر يكون فيها حاجة اسمها "سياحة الترانزيت"
طيب اية هي سياحة الترانزيت اللي اقترحها الدكتور حمدي
المقترح أن مصر تستغل موقعها الجغرافي.. في إن يكون عندها مطار ترانزيت بمعني أن لما حد يكون مسافر من دولة لدولة وينزل ترانزيت في مصر. يكون بقى في مطار جديد بين القاهرة والإسكندرية ويكون فيه غرف للإقامة لمدة أيام محدودة زي أي دولة في العالم.
والدكتور حمدي شايف أن الفكرة دي هاتخلي سائح الترانزيت يكون عنده فضول يعرف إية هي المنتجات السياحية اللي في مصر.. ولو خرج من باب المطار هايشتري ويتجول في البلد. وبالتالي البلد هايدخلها فلوس كتير وممكن توصل لـ 16 مليار دولار.. طبعًا فكرة لطيفة وممكن محتاجة دراسة بشكل أكبر من قبل المسئولين.
