إحنا آسفين يا فندم.. الشيك دا مضروب.. تعمل أية علشان تتجنب الفخ دا
الأحد 16/يوليو/2023 - 01:19 ص
لو حد أنت ليك عنده فلوس.. وقالك هاكتبلك شيك بالمبلغ.. لازم الشيك دا يكون فيه شوية حاجات مهمة جدا علشان البنك يقدر يصرفهولك.
أولا لازم تكون بيانات العميل اللي كاتب الشيك سليمة ١٠٠٪ يعني مافيش غلط في البيانات الشخصية للعميل.. كمان لازم توقع العميل كاتب الشيك سليم.. يعني التوقيع مطابق لتوقيعه في البنك.
كمان لازم يكون المبلغ اللي هايتم صرفه مكتوب في الشيك بالرقم والكتابة .. ومهم طبعا أنه يتم التأكد من كفاية الرصيد.. والتحقق من بيانات المستفيد حامل الشيك وسلامة وضعه المالي.
خلي بالك لما تاخد الشيك لازم تتأكد من تاريخ الشيك وصلاحيته ولازم تحتفظ بإيصال الصرف.
علشان لو في حاجة من دول مش موجوده في الشيك هاتلاقي موظف البنك بيقولك.. الشيك مضروب يا فندم.
