أزمة السجائر تتصاعد.. يا ترى ايه اللى بيحصل بالظبط؟
فيه أزمة كبيرة جدا فى سوق السجاير فى مصر بدأت تظهر فى الايام الأخيرة وكلنا تابعنا وشفنا ازاي تم رفع اسعار السجاير اكتر من مرة فى الفترة الاخيرة.. وكتير من المدخنين بدأوا يشتكوا من نقص النعروض ومن ارتفاع الاسعار لدرجة ان بقا فيه سوق سودا لعلبة السجاير وبعض التجار بيخبوا الكميات اللى عندهم عشاان يرفعوا السعر.. فيا تارى ايه اللى بيحصل . وفين شعبة الدخان من كل اللى بيجرا ده؟
أزمة نقص بعض أنواع السجاير وارتفاع أسعارها في الأسواق اتفاقمت خلال الأيام الأخيرة ووصل بعض أسعار السجائر الشعبية عند التجار إلى مستويات قرب 40 جنيها للعبوة والعبوات دي كان اخرها من فترة قريبة جدا 20 و25 جنيه وناس كتيرة بتسأل ده سببه ايه
الغريبة ان شركات تصنيع السجاير الشركات ما أعلنتش عن أي زيادة جديدة في الأسعار قريب والأسعار اللى بيتم بيع السجاير بيها فى السوق أكبر بكتير من الأسعار الرسمية المعلنة من الشركات
وبيلغ السعر الرسمي لعبوة السجائر "كليوباترا" العادية 22 جنيه و24 جنيه لكليوباترا السوبر في حين بيتم بيعها بأكتر من 40 جنيه عند بعض التجار
شعبة الدخان والسجائر باتحاد الصناعات قالت إن الزيادات اللى بتشهدها أسعار عدد من أنواع السجائر في الأسواق خلال الأسابيع الأخيرة واختفاء بعضها ونقص البعض الآخر في مناطق مختلفة ناتج عن سببين الأول جشع بعض التجار والتاني عدم دراية المستهلك بحقوقه.
وقررت الشركة الشرقية للدخان "إيسترن كومباني" رفع أسعار عدد من أصناف السجائر، نهاية مارس اللى فات وتراوحت الزيادة الجديدة في الأسعار ما بين جنيه و3 جنيه في العلبة الواحدة.
