الجنيه المغلف ولا البلدي؟.. السر اللي هيحميك من الخسارة في الذهب
الإثنين 02/نوفمبر/2026 - 07:00 ص
لو عايز استثمر الاحسن اشتري الجنيه المغلف بتاع الشركات ولا اوفر واشتري البلدي بتاع الورش؟
خليني اقولك أن الفرق بينهم مش مجرد غلاف ده فيه تفاصيل لو ما عرفتهاش ممكن تخسر جزء من فلوسك وقت البيع.
النوعين نفس الوزن والعيار بالظبط 8 جرام عيار 21 لكن الجنيه المغلف بييجي في كارت أمني مقفول عليه كل البيانات والدمغة الرسمية ومعاه فاتورة تفصيلية وده بيديك أمان كامل وكمان بيوفرلك ميزة الكاش باك وهي استرداد جزء من المصنعية لما تيجي تبيع بشرط ما تفتحش الغلاف.
أما الجنيه البلدي فمصنعيته أقل وقت الشراء بس بيباع حر من غير غلاف وما فيش معاه كاش باك عند البيع ده غير إنه بيحتاج تدقق قوي في الوزن والدمغة.
