مصر على طريق السيارات الكهربائية.. استثمارات بـ2 مليار جنيه

مصر بتاخد خطوة جديدة في طريق توطين صناعة السيارات الكهربائية.. والمرة دي من بوابة أهم مكون في العربية: البطارية.

تم توقيع عقد إنشاء مصنع جديد لإنتاج البطاريات الكهربائية في مصر، بشراكة بين شركة BME المصرية وشركة CATL الصينية، أكبر شركة لتصنيع البطاريات الكهربائية في العالم.

الاستثمارات المبدئية للمرحلة الأولى بتتجاوز 2 مليار جنيه، بطاقة إنتاجية تصل إلى 1 جيجاوات ساعة سنويًا.

والمصنع هيبدأ بإنتاج بطاريات المركبات التجارية الثقيلة، مع خطة للتوسع بعد كده لإنتاج بطاريات سيارات الركوب، وكمان حلول تخزين الطاقة.

والطموح أكبر من كده..
المرحلة الثانية مستهدف ترفع الطاقة الإنتاجية للمصنع إلى 5 جيجاوات ساعة سنويًا.

والخطوة دي بتدعم خطة مصر لتوطين صناعة السيارات ومكوناتها، وتقليل الاعتماد على استيراد البطاريات، وفتح الباب قدام تصنيع محلي أكثر تكاملًا للسيارات الكهربائية.

يعني مصر مش بتستهدف بس إن العربية الكهربائية تتجمع هنا..
لكن كمان إن جزء أساسي من تكنولوجيتها ومكوناتها يتصنع داخل مصر.