عندك عداد كودي؟ اعرف إزاي تحوله لعداد قانوني في 2026 والأوراق المطلوبة
لو عندك عداد كهربا كودي، وخلصت إجراءات التصالح وتقنين وضع العقار، تقدر تبدأ خطوات تحويله لعداد قانوني في 2026.
أول حاجة لازم يكون معاك مستند رسمي يثبت إن موقف العقار بقى قانوني، وبعدها تتوجه لشركة توزيع الكهرباء التابعة لمحل الوحدة وتقدم طلب تعديل بيانات العداد والمشترك.
وهتحتاج بطاقة الرقم القومي، ومستند الملكية أو حق الانتفاع، وصورة عقد تركيب العداد الكودي، بالإضافة لمستندات التصالح وتقنين العقار.
ومن المستندات اللي ممكن تثبت تقنين الوضع: شهادة إدخال المرافق، ونموذج 7، ونموذج 8 النهائي، أو نموذج 10 في الحالات اللي حصلت عليه.
ومهم تعرف إن التحويل مش معناه بالضرورة تغيير العداد نفسه، وممكن يقتصر على تعديل البيانات والوضع القانوني، إلا لو فيه سبب فني أو إداري يستدعي تغييره.
وبحسب المعلومات الواردة، الحالات المستوفية للشروط مش عليها رسوم إضافية، وبعد التحويل هتتحاسب بنظام الشرائح الخاص بالعدادات القانونية.
