أراضي الحكومة هتتحول لجناين.. مصر تبدأ التنفيذ فورا

تخيل إن الأرض الفاضية اللي شايفها وسط القاهرة تتحول قريب لحديقة ومسطحات خضراء.

الحكومة بدأت تنفيذ خطة جديدة لـ"تخضير القاهرة"، ووجه رئيس الوزراء بحصر كل الأراضي الحكومية الفضاء، وتحويلها لمتنزهات ومسطحات خضراء بدل ما تفضل مساحات مهملة.

والبداية هتكون بتشجير الطريق الدائري وعدد من المحاور والطرق الرئيسية، مع إنشاء حدائق عامة جديدة واستغلال المساحات المتخللة داخل المناطق.

والأهم إن الحكومة بتخطط لاستخدام مياه الصرف الصحي المعالجة ثلاثيًا في ري الأشجار والمسطحات الخضراء، عشان المشروع يكون مستدام ويوفر المياه.

يعني القاهرة داخلة على تغيير كبير في شكلها.. ومساحات كانت فاضية ممكن تتحول قريب لأماكن خضراء مفتوحة للناس.