الدولار تحت الـ50 جنيه.. مفاجأة جديدة والأموال الساخنة تعود بقوة

الدولار نزل تحت الـ50 جنيه... بس السؤال: إيه اللي رجّع الجنيه يكسب من جديد؟

خلال اخر تعاملات، الدولار واصل تراجعه في البنوك، وسجل أقل سعر عند 49.64 جنيه للشراء و49.74 جنيه للبيع في بنك الإسكندرية.

وفي الناحية التانية، أعلى سعر وصل لـ49.80 جنيه للشراء و49.90 جنيه للبيع في المصرف العربي.

أما البنك المركزي فسجل الدولار 49.72 جنيه للشراء و49.86 جنيه للبيع.

لكن القصة مش في السعر لوحده…السبب الأهم ورا الحركة دي هو عودة تدفقات الأموال الساخنة للسوق المصرية.

والأرقام هنا لافتة... تعاملات العرب والأجانب في السوق الثانوية للدين الحكومي المصري سجلت صافي شراء بـ282 مليون دولار خلال تعاملات أمس الأربعاء.

وده معناه ببساطة إن فيه تدفقات دولارية جديدة دخلت السوق، بعد ما المستثمرين الأجانب والعرب كانوا باعوا صافي 331 مليون دولار يوم الاتنين.

وقبلها بيوم، كانت التخارجات محدودة جدًا، بحوالي 3.7 مليون دولار.

يعني الصورة اتحولت بسرعة

من خروج أموال من أدوات الدين المصرية، إلى عودة للشراء وضخ دولارات جديدة.

وده بيساعد على زيادة المعروض من الدولار في السوق، وبالتالي بيضغط على سعر العملة الأمريكية ويدعم الجنيه.

وعشان كده، الدولار دلوقتي بيتداول أقل من مستوى الـ50 جنيه في البنوك.

لكن السؤال الأهم... هل التدفقات دي هتستمر، ولا الدولار ممكن يرجع يتحرك تاني لو الأموال الساخنة بدأت تخرج؟