​وفر في ميزانيتك.. أسعار السكر والسلع الأساسية داخل المجمعات الاستهلاكية ومنافذ الزراعة

لو بتدور على طريقة توفر بيها في مصاريف البيت.. الأسعار دي تهمك.. وزارة التموين بالتعاون مع وزارة الزراعة بدأت طرح السكر الحر بسعر 25 جنيه للكيلو بدل 28 جنيه.

والسكر بالسعر المخفض متوفر في المجمعات الاستهلاكية، ومنافذ وزارة الزراعة، وكمان منافذ "سوبر توفير" التابعة لجهاز مستقبل مصر.

لكن مش السكر بس..

السلع الأساسية كمان متوفرة بأسعار مخفضة، منها الدقيق المعبأ بـ18 جنيه للكيلو، والمكرونة بـ8 جنيه ونص لعبوة الـ400 جرام، و17 جنيه لعبوة الـ800 جرام.

أما العدس المجروش فسعر الـ500 جرام منه 21 جنيه، والفول المعبأ 9 جنيه للـ500 جرام.

وبالنسبة للأرز الحر، فسعر الكيلو بيتراوح بين 22 و28 جنيه ونص حسب الجودة ونسبة الكسر.

يعني قبل ما تشتري احتياجات البيت من أي مكان.. شوف أسعار المنافذ الحكومية الأول، ممكن توفر في ميزانيتك.