تشتري دلوقتي ولا تستنى.. أحسن وقت لشراء الدهب؟

تشتري دهب دلوقتي ولا تستنى سؤال بقى بيشغل بال ناس كتير اليومين دول خصوصًا مع الأسعار اللي مش ثابتة ومش مديالك إجابة واضحة.

الحكاية ببساطة إن سوق الذهب في مصر داخل في حالة تذبذب، يعني يوم طالع ويوم نازل، وده بيخلي قرار الشراء أو البيع مش سهل خالص.

الأرقام الحالية بتقول إن عيار 21 وصل لحوالي 7150 جنيه، وعيار 24 قرب من 8200 جنيه… أرقام كبيرة تخلي أي حد يفكر ألف مرة قبل ما يتحرك.

لكن المفاجأة إن القرار مش واحد لكل الناس يعني لو كنت اشتريت في ديسمبر أو يناير بأسعار أعلى، يمكن البيع دلوقتي مش في صالحك إنما لو دخلت في فبراير بأسعار أقل، فأنت كده قدام فرصة تحقق مكسب كويس.